दमक/
दशैको समयमा रतुवा नदिमा आएको बाढीका कारण बिस्थापित भएकाहरुलाई राहत वितरण गरिएको छ । दमकमा रहेका लायन्स क्लबहरुले सन्चालन गरेको लायन्स फुड बैंक मार्फत खाद्यान्न बितरण गरिएको हो ।
लायन्सकर्मी रिङ कुमार आचार्यको पहलमा भएको दमक ७ स्थित बाढी पीडितहरुलाई बुधबार एक औपचारिक कार्यक्रमको आयोजना गरि यहाका चौध घरपरिवारलाई खाद्यान्नका विभिन्न सामाग्री वितरण गरिएको कार्यक्रम संयोजक आचार्यले जानकारी दिनु भयो ।
२५ केजि चामल, ,भुजा तीन केजि ,दाल ३ केजि , तेल २ लिटर वितरण गरिएको हो । यस्तै नुन १ केजि र साबुन ६ वटा (नुहाउने ३ लुगा धुने ३ ) वितरण गरिएको छ ।
स्थानिय जनप्रतिनिधि सहितको टोलिसग लायन्सकर्मी आचार्य सहितको टोलिले प्रभावित क्षेत्रको अनुगमन गरेर पीडितहरुको नाम छनौट गरिएको उहाले बताउनु भयो ।
