दमक/
दशैमा महगींएको तरकारी बजार तिहारमा केहि सस्तीने आशामा उपभोक्ता थिए । तर त्यो भएन । यो वर्षको तिहारमा पनि हरियो सागसब्जीको मुल्य निकै महगो छ । अघिल्ला वर्षको तिहारमा दशै भन्दा कम मुल्यमै खरिद गर्ने उपभोक्ता यो वर्षको तिहारमा भने माहगोमै तरकारी खरिद गर्न बाध्य भएका छन् ।
झापा दमक ५ की आशा लिम्बु दमक ६ स्थित सब्जी मण्डीमा तरकारी खरिद गर्दै हुनुहुन्थ्यो । उहाँ तिहारका लागि आवश्यक पर्ने हरियो सागसब्जी खरिद गर्न बजार जानु भएको थियो । तर मुल्य छोइनसक्नुको रहेछ । न भनेजस्ता तरकारी नै खरिद गर्न पाइएको छ । उहाँले यस्तै महगी कायमै रहने हो भने तरकारी किने खानै पो नसकिने हो कि भन्ने चिन्ता बढेको बताउनु भयो ।
इलाम चुलाचुली गाउँपालिका वडा नं ४ का नर बहादुर बुढाथोकी पनि यहि सब्जी मण्डीमा भेटिनु भयो । उहाँले मोटरसाईलमा प्याजको बोरा बाँध्नु भएको थियो । गाउँमा केहि तरकारी फलाएर ल्याउने र यहाँ बेच्ने । त्याि बेचेर आएको पैसाले आफुले फलाउन नसकेको तरकारी खरिद गर्ने गरि उहाँ दमक आउनु भएको थियो । उहाँले उत्पादन गरेर ल्याएको तरकारीको मुल्य लगानी समेत नउठ्ने गरि ब्यापारीले दिने तर ब्यापारीबाट आफुले उपभोक्ता बनेर खरिद गर्दा निकै महगौमा खरिद गर्नु परेको उहाँले सुनाउनु भयो ।
सामान्यरुपमा दशै पछिको तरकारी बजार केहि सस्तीनु पर्ने हो । तर यो वर्ष दशै र तिहारको बजार मुल्यमा कुनै फरक देखिएन । दशै नसकिदै बेमौसी वर्षा भएका कारण बारीमा उत्पादन भएका तरकारी सबै नष्ट भएको र विभिन्न ठाउँका सडक अझै पूणर् मात्रामा खुल्न नसकेका कारणले गर्दा बजारमा तरकारीको अभाव पनि छ । त्यसैैले सिमित तरकारी भएको कारण मुल्य केहि महंगो भएको तरकारी तथा फूलफूल व्यवसायी सघं दमकका अध्यक्ष कुमार श्रेष्ठको दावी छ ।
दमकमा अहिले आएका तरकारीहरु प्राय गरेर भारतका हुन । बेमौसमी वर्षातका कारण स्थानीय उत्पादन बाहिर निस्कन नपाएका कारण अहिले बजारमा पर्याप्त तरकारी पनि छैनन् ।यहाँका किसानहरुको उत्पादन बाहिर निस्कन थालेपछि तरकारीको मुल्य पनि घट्ने र तरकारी पनि पर्याप्त उपलब्ध हुने बताइएको छ ।
