उज्यालो
दमकमलाई मासुमा आन्मनिर्भर बनाउनका लागि यहाँका महिलाहरुले उन्नत जातको बाख्रा तथा खसि पालन गर्ने भएका छन् ।
दमक ४ मा रहेको दिव्य महिला कृषि समुहले सरकारसँगको साझेदारीमा खसी बोकाको मासु उत्पादन गरि आर्थीक बृद्धि गर्ने उदेस्यले यो काम गर्न लागेका हुन । खसीको मासु तथा मासुजन्य पदार्थ उत्पादनउप आयोजना नाम दिइएको यो कार्यक्रमको कुल लगात १ करोड ७४ लाख ८ हजार रहेको छ ।
यसमा सरकारी अनुदान ८७ लाख ४ हजार , बैक तथा वित्तिय सस्थाको ऋण ५२ लाख २२ हजार ४ सय र लाभग्राहि सस्थाको ३४ लाख ८१ हजार ६०० रहेको छ । यो रकमले सुरुवाती चरणमा ३०० बाख्रा र १५ वटा उन्नत जातका बोका पाल्ने छ । साथै नश्ल सुधार गरि गुणस्तरीय बोका, पाठी उत्पादन, नयाँ प्रविधिको प्रयोग गरि आर्थीक रुपमा दिगो विकास गर्नुका साथै श्रोत केन्द्रका स्थापना गरिने समुहकी अध्यक्ष अनीता खत्रीले जानकारी दिनुभयो ।
कृषि तथा पशु पंक्षी विकास मन्त्रालयको नेपाल लाईभ स्टक सेक्टर इनोभेसन आयोजना अन्तर्गतको विकेन्द्रिकृत आयोजना सहयोग इका विराटनगरसँगको सम्झौतामा महिला समुहले बाख्रा पालनको काम गर्दै छन् ।आयोजना सुरु गर्नु अघि लक्षीत वर्गलाई आयोजनाका बारेमा जानकारी गराइएको थियो ।
समुहले शुक्रबार दमक स्थित दाहाल प्रतिष्ठानमा सार्वजनिक सुनुवाईको आयोजना गरेर आयोजनाको बारेमा त्यस समुदायका कृषक तथा लाभग्राहिलाई जानकारी गराएको हो । २०७६ सालमा स्थापना भएको यो समुहले महिलाहरुलाई कृषिमा आकर्षीत गर्दै यहि क्षेत्रबाट समृद्ध सम्भव छ भन्ने कुराको अभ्यास गर्दै आएको छ ।
