दमकको ५ नम्बर वडा बालमैत्री घोषणा हुँदै, बालबालिकाले के पाउलान ?(भिडियो सहित)

 

दमक/
२०८७ सालसम्म सबै स्थानीय तहलाई बालमैत्री बनाउने लक्ष्यका साथ जारी भएको निर्देशिकाले ५१ ओटा सूचक पूरा भएपछि कुनै पनि स्थानीय तहले आफूलाई बालमैत्री घोषणा गर्न सक्ने प्रबन्धसमेत गरेको छ।

यहि अनुसार झापाको दमक नगरपालिकाले पनि आफ्नो काम सुरु गरेको छ । दमकका १० वटा वडा मध्ये पहिलो पटक वडा नं ५ बालमैत्री वडा बन्ने तरखरमा अघी बढिरहेको छ ।

यसकालागि वडाका जनप्रतिनिधी, अभिभावक, कर्मचारी, बालक्लव सदस्य तथा पदाधिकारी, सामाजीक व्यक्तित्वहरुलाई सामुहिक रुपमा बाल श्रम शोषण अन्त्य गरौ , बालमैत्री वडा स्थापना गरौ जस्ता नारा लेखिएका पम्प्लेट टासिदैछ । कविद्यालयहरुलाई तोकिएको सुचक पालना गर्न निर्देशन गरिएको वडा नं ५ का वडा सदस्य गोपल प्रसाद संगौलाले कार्यक्रम जनतासँग जनप्रतिनिधीको कुराकानीका क्रममा बताउनु भयो ।

युनिसेफले बालमैत्री वातावरणका मूलभूत सिद्धान्तका रूपमा चार वटा खम्बालाई अगाडि सारेको छ । बालबालिकाको रुचि अनुसार स्कूल सञ्चालन हुनुपर्ने, शैक्षिक वातावरण सुरक्षित स्वस्थ र संवर्द्धनात्मक हुनुपर्ने, कक्षामा तालीमप्राप्त शिक्षक र पर्याप्त शैक्षिक सामग्रीहरू हुनुपर्ने एवं बाल अधिकारको प्रत्याभूति र उनीहरूका मागको सुनुवाइ हुनुपर्ने कुरा बालमैत्री विद्यालयका आधारभूत तत्त्व हुन् भनी युनिसेफले भनेको छ।

दमकमा अझै पनि सार्वजनिक सवारी, होटल तथा असङ्गठित क्षेत्रमा श्रम गर्ने बालबालिकाको संख्या ठूलो छ। अलपत्र अवस्थामा रहेका, पारिवारिक हिंसा भोगेका, गरीबी र अभावको पीडा बीच अभिभावकविहीन बालबालिकालाई नियम र कानूनमा भएका अधिकार, सेवा र सुविधा प्रदान गर्न प्रभावकारी निकाय नभएका कारण उनीहरू दयनीय अवस्थामा देखिन्छन्।

स्थानीय सरकारले उपयुक्त किसिमले अनाथ, असहाय र अशक्त बालबालिकालाई आधारभूत सुविधा प्रदान नगरुन्जेल बालअधिकारका विषय कागजी दस्तावेजका रूपमा मात्र रहने निश्चित छ।

वडा सदस्य संगौलासँगकोे कुराकानीको भिडियो हेर्न यहाँ क्लिक गर्नुहोला ।

Share:

Facebook
Twitter
Email
WhatsApp