दमक/
भर्खरै एस इ इ परिक्षाको परिक्षा फल प्रकाशन भएको छ । परिक्षामा उतिणर् भएका ती विद्यार्थीहरु कहाँ के पढ्ने भन्नेबारेमा अन्यौलमा छन् ।
अधिकांशस विद्यार्थीहरु साथीहरु जहाँ पढ्यो त्यहि पढ्ने उसले जे पढछ म पनि त्यहि पढ्ने भनेर निणर्य गरेको भेटिन्छ । तर आफुभित्र भएको क्षमता के हो र म भविष्यमा के बन्ने अनी त्यसकालागि कस्तो विषय पढ्नु पर्छ भन्नेबारेमा खास ती विद्यार्थीहरुरुले बहस गरेको पनि देखिदैन ।
पछिल्लो समयका विद्यार्थीहरुले आफ्नो पढाईलाई भविष्यसँग भन्दा पनि प्रमाणपत्रकालागि मात्रै पढ्ने गरेको पाइन्छ । त्यहि प्रमाणपत्र देखाएर विदेश जान पाइयोस भन्ने प्रायको लक्ष रहेको देखिन्छ ।
यस्तो किन भइरहेको छ ? भन्ने प्रश्नमा झापाको दमकमा रहेको झापा मोडल अग्रेजी माद्यमिक विद्यालयका प्रधानाध्यपक सागर श्रेष्ठ भन्नु हुन्छ ‘अहिलेका विद्यार्थी परनिर्भर भए, अभिभावकसँग, विद्यालयका शिक्षकसँग वा अन्य आफन्त वा इस्टमित्रसँग । ’ विद्यार्थीहरुले आफ्नो स्वतन्त्रता पूर्वक पढ्न, सोच्न , घुम्न , खेल्न र मनोरञ्जन गर्न नपाउनुको उपजनै उनीहरुमा स्वः निणर्य गर्ने क्षमतामा ह्रास हुन थालेको छ ।
श्रेष्ठले कक्षा ११ मा कस्ता विषय छान्दा के बनीन्छ भन्नेबारेमा सरल तरिकाले बताउनु भएको छ । उहाँको त्यो भनाईलाई उज्यालो खवरको उज्यालो शिक्षा कार्यक्रममा समेटिएको छ । जसको भिडियो हेर्न तलको लिंकमा क्लिक गर्न सकिने छ ।
