दमक/
प्रेस चौतारी झापाको अधिवेशन पुष १९ गते हुने भएको छ । बुधबार बिर्तामोड स्थित नेकपा एमालेको पार्टि कार्यालयमा भएको कार्यसमितीको बैठकले अधिवेशन गर्ने मिती र स्थानको टुङ्गो लगाएको छ । यस्तै अधिवेशन सम्पन्न गर्नकालागि विभिन्न उप समिती पनि निर्माण गरेको छ ।
‘पुष १९ गते सोमबार झापाको गौरादहमा प्रेस चौतारी झापाको अधिवेशन गर्ने भन्नेबारेमा निणर्य भएको छ । ’ बैठकपछि उज्यालोलाई जानकारी दिदै अध्यक्ष टिकाराम उप्रेतीले बताउनु भयो । अधिवेशन सम्पन्न गर्नकालागि अध्यक्ष उप्रेतीको संयोजकत्वमा र वर्तमान कार्यसमितीका सबै पदाधिकारीका साथै सदस्य समेत रहने गरिको अधिवेशन मुल आयोजक कमिटी पनि घोषणा गरिएको छ ।
यसका साथै आर्थीक र सदस्यता छानविन उप समिती समेत तयार पारिएको छ । जसअनुसार आर्थीक समितीमा संगठनका उपाध्यक्ष मनकुमार गदाल सहितको आर्थीक समिती तयार भएको छ । सदस्यहरुमा भूमिराज पराजुली, उमनाथ भण्डारी, राम प्रसाद निरौला, रामेश तिवारी र अनिल वाग्ले रहनु भएको छ ।
यस्तै सचिव प्रदिप परियारको संयोजकत्वमा गठीत सदस्यता छानविन समितीमा सुदिप अधिकारी, रुपा बुढाथोकी, सागर गौतम, अच्यूत सुवेदि, सिर्जन घिमिरे, सरोज भट्टराई, प्रकाश पौडेल र रोहित काफ्ले रहनु भएको छ ।
बैठक नेकपा एमालेका स्थाई कमिटी सदस्य अग्नी खरेलको प्रमुख आतीथ्यता रहेको थियो । यस्तै पार्टिका झापा अध्यक्ष चिन्तन पाठक, सचिवालय सदस्य शिव ढुङ्गेलको पनि उपस्थित रहेको थियो ।
बैठकले भर्खरै संगठनको केन्द्रिय सदस्य बन्नु भएका मिन प्रकाश उप्रेती, टिकाराम उप्रेती, गोपाल काफ्ले , मोहन काजी र मुक्ति पौडेललाई बधाईका साथै सफल कार्यकालको सुभाकामना पनि व्यक्त गरिएको सचिव परियारले जानकारी दिनुभयो ।
