दमक/
झापाको दमक ९ मा रहेको सरस्वती माद्यमिक विद्यालयको जमिनमा सञ्चालन भइरहेको एक निजी विद्यालयलाई ३५ दिन भित्र जग्गा खाली गराउन विद्यालयले निर्देशन जारी गरेको छ ।
आज एक सुचना प्रकाशन गर्दै दमक ८ रहेको विद्यालयको विद्यालयको जग्गामा गड मदर एकेडेमीले एकलौटी रुपमा विद्यालय सञ्चालन गरेकोले सुचना प्रकाशन भएको ३५ दिनभित्रमा जग्गा खाली गर्न सुचना मार्फत अनुरोध गरिएको छ ।
यस अघीपनि सो एकेडेमीलाई विद्यालयले पटक पटक लिखित पत्रचार समेत गरेको तर आनाकानी गर्दै जग्गा खाली नगरेकोले सार्वजनिक रुपमै सुचना प्रकाशन गर्न बाध्य भएको सरस्वती माद्यमिक विद्यालयका व्यवस्थापन समिती अध्यक्ष रेवतराज पुरी गगनले उज्यालो खवरलाई जानकारी दिनु भयो ।
उज्यालोसँग कुरा गर्दै पुरी भन्नु हुन्छ ‘विद्यालयको नाममा रहेका जग्गा कहाँ कहाँ कस्ले मिचेको छ हडपेर बसेको छ ती सबैको नाममा यसरीनै सार्वजनिक सुचना निकालेर प्रकृया पुरा गर्दै विद्यालयले फिर्ता लिन्छ । हामी यो अभियानमा लागेका छौ । ’
नव नियूक्त प्रवद्धारा पदभार ग्रहण
साथै आजै विद्यालयका नव नियूक्त प्रधानाध्यापक सिताराम ढकालले आफ्नो पदभार ग्रहण गर्नु भएको छ । नि वर्तमान प्रधानाध्यापक नर बहादुर थापा मार्फत अहिले सम्मको विद्यालयको हर हिसाव तथा गविधिको फाईल बुझेर ढकालले पदभार ग्रहण गर्नु भएको हो ।
कोशी प्रदेशमै पहिलो पटक विद्यालयको व्यवस्थापन समितीले विद्यालय विकास परियोजना लेखनको प्रतियोगिता मार्फत प्रधानाध्यापक नियूक्त गरिएकोले विद्यालयलाई नमुना बनाउने काममा लाग्न व्यवस्थापन समिती अध्यक्ष पुरीले सुभाकामना व्यक्त गर्नु भयो ।
प्र.असँग कार्य सम्पादन सम्बन्धीको सम्झौता गरिएकोले सो सम्झौता अनुसार काम गर्न उहाँले सुझाव दिनु भयो । साथै समिती मार्फतनै छनौट हुनु भएका सहायक प्रधानाध्यापक भगिरथ मिश्रले पनि यही अवसरमा पदभार ग्रहण गर्नु भएको छ ।
