महिला नेतृ सुमित्रा प्रसाईलाई प्रश्न : सासुले बुहारीलाई हेप्ने सस्कारको विकास कसरी भएको थियो ?(भिडियो संवाद)

दमक/
तीजको ब्रत बस्ने अघील्लो दिन मात्रै दर खाने चलन पहिलै देखीको हो । माईतबाट घरमा गएकी छोरी चेली कस्तो खाँदै छन् । कसरी बस्दै छन््भन्ने कुराको वार्तालाप गराउने पर्वको रुपमा तीज मनाउने गरिएको दमककी महिला नेतृ सुमित्रा प्रसाई स्मरण गर्नु हुन्छ ।

खास गरि घरमा बुहारीहरु सँधै किन सासुसँग दविएर बस्नु पर्दथ्यो भन्ने उज्यालो खवरले सोधेको प्रश्नमा नेतृ प्रसाई प्रष्ट पार्दै भन्नु हुन्छ ‘ममाथी त दवाव थियो भने मैले पनि बुहारीलाई गर्नै पर्छ भन्ने नकरात्मक सस्कार बसेको थियो ।

त्यसैको उपज पुस्तौ सम्म सासुले बुहारीलाई हेप्ने र सताउने काम मात्रै भयो ।’

तर पछि चेतना बढ्दै गएपछि यसका विरुद्धमा आजाव उठ्न थालेको उहाँले बताउनु भयो । ‘आफुहरु ताप्लेजुङमा हुने खानेमै पथ्र्यौ । त्यस बेला कम्यूनिष्ट आन्दोलनमा लागेकाहरुले हाम्रो परिवारलाई सामन्ती भन्थे हामीलाई त्यसैको विरुद्धमा आन्दोलन गर्नु पर्छ भन्थे ।

हामी पनि गरिव तथा शोषणामा परेकाहरुलाई उन्मुक्ति दिनुपर्छ भन्ने कुरामा एकजुट भयो । यो आन्दोलनमा महिलाहरुलाई पनि जोड्न थालेपछि केहि बुहारीहरुले आफुमा भएको अत्यचारका विरुद्ध आवाज उठाउन थाले र विस्तारै त्यो कु-सस्कार परिवर्तन हुन थाल्यो ।’

प्रसाईसँगको भिडियो संवाद तलको लिंकमा क्लिक गरि हेर्न सकिने छ ।

Nepali Festival Teej||Sumitra Prasai || women in nepali Politics – YouTube