दमक/ आकाशे रङको निलो सारी । अझ चम्कीलो निलो रङ्गले सारीको फेरमा बुट्टा । अनी गोलाकार आकारकोे चार चक्रे चिन्ह । छातीमा रातो चालो ।
यो पहिचान बोकेका महिला तपाई हाम्रो गाउँघरमा देख्दा वा भेट्दा यी स्वास्थ्य सम्बन्धीका जान्ने मानीसहरु हुन । अझ गाउँघर तीर डाक्रटरकै सज्ञा पनि पाउँछन् । सामुदायीक रुपमा सम्मान पाएका छन् । तर राज्यबाट भने सँधै उपेक्षामा परेका छन् । स्वास्थ्य सम्बन्धीका जे जे कार्यक्रम जनसमुदाय सम्म पुर्याउनु पर्ने हो त्यो सबै कार्यक्रमलाई प्रभावकारी रुपमा फैलाउने काम यीनै सामुदायकी स्वास्थ्य स्वयंमसेसवकाहरुले गर्ने गर्दछन ।
अहिले पनि दमक नगरपालिकाले अर्को कार्यक्रम ल्याएको छ । त्यो हो उप प्रमुख सुरक्षीत महिनावारी कार्यक्रम । यो कार्यक्रम अन्तर्गत हरेक महिलाहरुलाई निशुल्क रुपमा सेनेटरी प्याड प्रदान गर्ने र महिनावारीको स्थिती कस्तो छ भन्नेबारेको रिपोर्ट समेत तयार पार्ने कार्यक्रम हो । यो कार्यक्रमको उद्धघाटन दमक नगरपालिकाका प्रमुख राम कुमार थापा र उप प्रमुख रेगिना भट्टराई प्रसाईले महिला सामुदायीक स्वास्थ्य स्वेमसेविकाहरुलाई सेनेटरी प्याड दिएर उद्धघाटन गर्नु भएको छ ।
यस अघी महिनावारीको स्थिती कस्तो छ ? नियमीत महिनावरी हुदाका फाईदा नहुदा हुने बेफाईदा र यसले समग्र महिला स्वास्थ्यमा पार्न सक्ने असर र प्रभावका बारेमा नगरपालिकाका स्वास्थ्य शाखा प्रमुख नगेन्द्र भट्टराईले स्लाईड मार्फत जानकारी गराउनु भएको थियो ।
नगर प्रमुख राम कुमार थापाको प्रमुख आतिथ्यतामा सम्पन्न भएको कार्यक्रममा आफ्ना भनाई राख्दै प्रमुख थापाले भन्नु भयो ‘जसकालागी यो कार्यक्रमको थालनी गरिएको छ त्यसकालागी यो पुर्याने गरीको काम गर्न आवश्यक छ ।’
दमक नगरबासीको स्वास्थ्य हाम्रो जिम्मेवारी भन्ने नाराका साथ यो कार्यक्रम ल्याएको र यसले महिलाको स्वास्थ्य सुरक्षामा केहि न केहि भएपनि योगदान गर्ने विस्वास नगरपालिकाको रहेको उप प्रमुख रेगिना भट्टराई प्रसाईले बताउनु भयो ।
दमकमा रहेका १० वटै वडाका स्वास्थ्य केन्द्र इन्चार्ज, सामाजीक स्वास्थ्य स्वेमसेविका तथा अन्य सरोकारवालाहरुको उपस्थिती रहेको थियो ।
