दमक/बाँदरको हातमा नरिवल भन्ने नेपाली उखान तपाईले सुन्नुनै भएको होला । तर मोरङमा भने बाँदरको हातमा आँप भेटिएको छ ।
पूर्व पश्चिम राजमार्ग अन्तर्गत कानेपोखरी इटहरी सडक खण्डमा चरी हिड्ने बाँदरलाई दमकमा रहेको एउटा क्लवले आप दिएको छ ।
लायन्स क्लव अफ दमक बिग बुद्ध र लिओ क्लव अफ दमक बिग बुद्धको समुहनै जंगल परिसरमा पुगेर त्यहाँ भेटिने बाँदरलाई आँप खुवाइएको अध्यक्ष आनन्द थापाले जानकारी दिनुभयो ।
जंगलमा आहारा कम भएर सडक र गाउँ छिर्ने बाँदरकालागी एक दिन भएपनि खान सहज होस भनेर अहिलेको मौसमी फल खुवाउने कार्यक्रमनै गरिएको थापाको भनाई छ ।
उहाँ अध्यक्ष भएपछि सात दिनमा सात कार्यक्रम गर्ने घोषणा गर्नु भएको थियो । जुलाई १ देखी कार्यभार सम्हालेर नेतृत्व लिनु भएका थापाले १ तारीख देखी ७ तारीख सम्म विभिन्न सेवाका कार्यक्रम गर्नु भएको थियो । त्यहि मध्येको एक कार्यक्रम हो बाँदरलाई आँप खुवाउने कार्यक्रम ।
यो अवसरमा उहाँले दमक ७ मा रहेको एक विप्पन्न परिवारलाई महिना दिन भन्दा बढि समय सम्म पुग्ने गरीको खाद्यन्न सामाग्री वितरण गर्नु भएको थियो भने बाढि र डुबानको समयमा उद्धार गर्न आवश्यक सामाग्री सुरक्षा निकायलाई प्रदान गर्ने काम पनि गर्नु भयो ।
गौरादह नगरपालिका वडा नं ९ स्थित बैगुन्धुरामा रहेको नेपाल प्रहरी बिटलाई क्लवले उद्धारमा आवश्यक पर्ने विभिन्न सामाग्री प्रदान गरिएको क्लवका सचिव सुमन मोतेले उज्यालो खवरलाई जानकारी दिनु भयो ।
यस्ता सामाजीक काममा आफु निरन्तर लाग्ने र यही काम गर्ननै क्लवको नेतृत्वमा आएको अध्यक्ष थापाले प्रतिकृया दिनु भएको छ ।
