दमक/ आफ्नो टोल आफै बनाउँ । तर कसरी बनाउँने ? यसमा टोलबासीको भूमिका के ? समाजका सरोकारवालाको भूमिका कस्तो ? सरकारले के गर्छ ? यस्ता सवाल तपाईको मनस्पटलमा पक्कै घुम्यो होला । तर आफ्नो टोल बनाउन यी कुराहरुमा मात्रै सबैल ऐकवद्धता जनाउने हो र यसको पालना गर्ने हो भने धेरै हद सम्म त्यो टोल आफै बन्न थाल्छ ।
प्रतिवद्धताका बुदाहरु ।
१) हामी घर तथा व्यवसायबाट निस्कने फोहोरलाई कुहिने र नकुहिने छुट्याइ फरक फरक डस्विनमा राख्ने छौ ।
२) हाम्रो घर अगाडीको फूटपाथ अतिक्रमण गर्ने छैनौ र गर्न दिनेपनि छैनौ ।
३) हामी आफ्नो घर वरपर रहेका बोट विरुवाको संरक्षण गरी सुन्दर र हरीयाली बनाउन अग्रसर हुनेछौ ।
४) प्लाष्टिक मुक्त टोल बनाउन हामी प्लास्टिकको झोला प्रयोग गर्ने छैनौ र बेचबिखन पनि गर्ने छौनौ ।
यत्ती कुरामा बजार क्षेत्रको टोल विकासहरुले प्रतिवद्धताका साथ मात्रै काम गर्ने हो भने आफ्नो टोल आफै बन्छ भन्ने विस्वास छ दमक नगरपालिका वडा नं ६ लाई ।
त्यसैले यो वडामा रहेका सबै टोलका प्रतिनिधी तथा पदाधिकारीलाई बुधबार वडामा बोलाएर यी कुराको प्रतिवद्धता गराइएको छ । यसले वडाको विकास र समृद्धि टोलबाटनै देखिने भएकोले टोललाई जागरुप बनाइयो र टोललाई प्राप्त अधिकारको प्रयोग मात्रै गराइयो भने पनि यसले प्रतिफल दिन सक्छ भन्ने विस्वास रहेको वडाध्यक्ष टेक बहादुर थापाले बताउनु भयो ।
टोल विकासको काम , कर्तव्य र अधीकार केके छन् ? कानुनले टोललाई केके काम गर्ने भनेर क्षेत्राधिकार तोकीदिएको छ ? यो बारेमा पनि धेरै टोललाई थाह छैन । यदी कानुनले नै तोकिदिएका ती काम गर्ने र कर्तव्य पुरा गर्ने साथै अधिकारको प्रयोग गर्ने मात्रै हो भने पनि टोल आफै आफै बन्न थाल्ने पनि बताइएको छ । कानुनी अधिकारका बारेमा वडा नं ६ का वडा सचिव प्रकाश घिमिरेले जानकारी गराउनु भएको थियो ।
टोल विकास सस्था कसरी सञ्चालन गर्ने भन्ने कार्यविधि दमक नगरपालिकाले बनाएको छ । त्यहि कार्यविधि अनुसार नगरमा रहेका टोलहरु गठन र काम गरिरहेका छन् । यसको बारेमा टोल टोललाई जानकारी गराउनुका साथै वातावरणमैत्री टोल बनाउन केके गर्न सकिन्छ भन्ने जानकारी गराउन पनि दमक नगरपालिका वडा नं ६ ले यो कार्यक्रम राखेको वडा सदस्य कमल श्रेष्ठले जानकारी दिनु भएको छ ।
यी सबै कुरा सुनिसकेपछि छलफलमा आएका टोलका प्रतिनिधी तथा पदाधिकारीहरुले वडासग केहि जीज्ञासा पनि राखेका थीए भने कसैले काम गर्ने प्रतिवद्धता समेत जनाएका थीए ।
