Search
Close this search box.
"सामाजीक व्यक्तिको सम्मान"

५ जना सामाजीक व्यक्ति सम्मानीत, असहाय मानव सेवाले मनायो दोस्रो वार्षिक उत्सव

दमक/
सामाजीक काम गर्ने सस्थाले समाजीक काम गर्ने ५ जना व्यक्तिहरुलाई सम्मान गरेको छ । दमकमा रहेको असहाय मानव सेवा समाज नामक संस्थाले संस्थालाई सहयोग पुरयाउने तथा संस्था मार्फत सामाजिक क्षेत्रमा काम गर्न उत्प्रेरणा दिएको भन्दै पाँच जनालाई सम्मान गरेको हो । सस्था स्थापना भएको दुई वर्ष पुरा भएको अवसरमा सो सम्मान गरिएको हो ।

संस्थाले कोरोना महामारीका समयमा सञ्चालन गरेको भोकालाई भोजन अभियानमा सहयोग पुरयाउने दमक घर भई हाल अमेरिका बस्दै आएका सुदिपराज पन्तसहित सहयोगी दाताहरुलाई सम्मान गरिएको हो ।

सो अवसरमा सम्मानित हुनेहरुमा कमल गाउँपालिका वडा नं ६ निवासी अरुण भण्डारी, हेमा फाण्डेशनका अध्यक्ष हेम थापा, अमेरिकामा रहेका घनेन्द्र मावो, शारदा उदास श्रेष्ठ र हाल सिंगापुरमा बस्दै आएका भुपेन्द्र तुम्बापो रहेका छन । उनीहरुलाई सम्मान पत्रबाट सम्मान गरिएको संस्थाकी उपाध्यक्ष सजु बुढाथोकीले जानकारी दिनुभयो ।

महामारीका साथै अन्य असहज परिस्थीतिमा समाजमा अग्रसर भएर काम गरेको भन्दै दमक नगरपालिकाका प्रमुख रोमनाथ ओलीले सस्थाको प्रशंषा गर्नु भयो । कार्यक्रमका प्रमुख अतिथी समेत रहनु भएका ओलीले यस्ता सामाजिक काम गर्ने सस्थाले समाजीक चेतना फैलाउँन पनि मद्यत पुगेको उल्लेख गर्नु भयो ।

संस्थाकी अध्यक्ष चेतना निरौलाको अध्यक्षता र दमक नगरपालिका प्रमुख रोमनाथ ओलीको प्रमुख आतिथ्यमा भएको साधारण सभामा सो साधारण सभामा संस्थाकी अध्यक्ष निरौलाले संस्थाको बार्षिक गतिबिधि समेटिएको बार्षिक प्रतिवेदन र कोषाध्यक्ष सीता उप्रेतीले आर्थिक प्रतिवेदन पेश गरेका सचिव पुनम रिजालले जानकारी दिनुभयो ।

कार्यक्रममा दमक उद्योग वाणिज्य संघका अध्यक्ष गोकुल श्रेष्ठ, ज्येष्ठ नागरिक सम्मान प्रतिष्ठान नेपालका अध्यक्ष सिताराम खतिवडा, लायन लिडर अजय अग्रवाल, सहयोगी दाता संस्था हेमा फाउण्डेशनका अध्यक्ष हेम थापा लगायतले शुभकामना मन्तव्य राखेका थिए ।

Share:

Facebook
Twitter
Email
WhatsApp