झापा/
नेकपा एमालेको १० औ अधिवेशन चलिरहेकोछ । हिजो शुक्रबार अधिवेसनको समुद्धघाटन सम्पन्न भयो । आज नेतृत्व छानिनेछ । आजै नेतृत्व चयन गरेर एमाले झापाको दशौ अधिवेसन समापन गर्ने तयारी मुल आयोजक कमिटीको छ ।
यो अधिवेशनले नेतृत्वमा सबै पदाधिकारी र जिल्ला सदस्यमा सर्वसम्मत गराउने प्रयास गर्ने यस अघिनै बताइसकिएको छ । झापा एमालेको नेतृत्व गर्न यो दिपक कार्कीलाई अध्यक्ष बनाउन सर्वसम्मत भइसकेको छ । यद्यपी यसको औपचारिक घोषणा भने भइसकेको छैन ।
अध्यक्षमै आकांक्षा राख्नु भएका प्रेम गिरीलाई यो पटक उपाध्यक्षमा व्यवस्थापन गरिने श्रोतले जनाएको छ । उहाँले यसमा सहमती दिइसकेकोले अध्यक्ष पदमा कार्की नै सर्वसम्मत बन्ने पक्कापक्की भएको बताइएको छ ।
यद्यपी उपाध्यक्ष पदमा गोपाल बुढाथोकीको पनि आकंक्षा रहेकोले उहाँलाई उपाध्यक्ष बाहेक पार्टिको अन्य महत्वपूणर् स्थानमा जिम्मेवारी दिने गरि सहमती गराइने एक अधिबेसन प्रतिनिधीले जानकारी दिनु भएको छ । यसै गरि सचिवमा शिव ढुङ्गेल सर्वसम्मत हुने पनि बताइएको छ । यसै गरि सह -सचिवमा असारु राजबंशी र महिला सह सचिवमा रेनुका उप्रेती डाँगीलाई सर्वसम्मत गराउने तयारी भएको छ ।
