Search
Close this search box.
"गृह जिल्लामा ओलीको ध्यान"

एमाले अध्यक्ष ओलीको गृह जिल्ला दौडाह- १५ दिन बित्न नपाउँदै पूःन जिल्लाका बिभिन्न आयोजनाको निरिक्षणमा (तस्बिरहरु)

दमक/
पूर्व प्रधानमन्त्री केपी शर्मा ओलीले आईतबार दिनभर जसो आफ्नो गृह जिल्लामा बिताउनु भयो ।सो अवसरमा बिभिन्न आयोजनाको निरिक्षणका साथै उद्धघाटन कार्यक्रममा उहाँ सहभागी बन्नु भयो । १५ दिन अघि मात्रै उहाँ आफ्नो निर्वाचन क्षेत्रमा आएर यस्तै विकास आयोजनाको उद्धघाटन, सिलान्यास र निरिक्षणमा सहभागी बन्नु भएको थियो ।

ओली आईतबार झापाको चन्द्रगडी बिमान स्थल हुँदै झापा आउनु भयो । यहाँ बनेका र बिनरहेका पूर्वाधार आयोजनाको स्थलगत अवलोकन गर्न उहाँले सम्बन्धीत आयोजना स्थलमै पुग्नु भयो । बिहान झापाको भद्रपुर-१० चन्द्रगढीस्थित शहीद मनोज झपेन्द्र स्मृति सामुदायिक राष्ट्रसेवक भवनको उद्धघाटन गर्नु भयो । सो अवसरमा उहाँले यस प्रकारका भवनहरु सिलान्यास मात्र हुने हैन उद्धघाटन पनि गर्न पाएकोमा खुसी व्यक्त गर्नु भयो ।

राजनीतिक परिवर्तनमा कर्मचारीको योगदान उच्च रहेको उल्लेख गर्दै लोकतन्त्र खोसिएको अवस्थामा कर्मचारी सङ्कट मोचनमा अग्रसर भएको बताउनुभयो । उहाँले कर्मचारीको हकहितका लागि लोकतान्त्रिक मान्यतालाई संरक्षण र सम्बद्र्धन गर्दै अघि बढ्नुपर्नेमा जोड दिनुभयो ।
नेपाल निजामति कर्मचारी सङ्गठन झापा र राष्ट्रसेवक बचत तथा ऋण सहकारी संस्था भद्रपुरको अगुवाइमा भवन निर्माण भएको हो । दुई तले भवनको कूल लागत रू एक करोड ८८ लाख नौ हजार ५७० रहेको छ । भवनको शिलान्यास एमाले अध्यक्ष ओलीले नै २०७० माघ ५ गते गर्नुभएको थियो ।


यसपछि उहाँ झापाको कमल गाउँपालिका वडा नं ७ मा निर्माण सम्पन्न भएको प्रादेशीक आयूर्वेदिक अस्पतालको निरिक्षणमा पुग्नु भयो । २०७५ ािल भदौ ७ गते ओलीले नै सिलान्यास गर्नु भएको यो अस्पतालको पनि पछिल्लो भौतीक प्रगतीको बारेमा बुझ्न उहाँ यस ठाउँमा आउनु भएको हो ।

उहाँले सो स्थानमा संक्षीप्त प्रतिकृया दिदै भन्नु भयो । ‘भवन बनि सकेछ । अव यसलाई सञ्चालन गर्ने कामपनि चाँडै हुने छ । ’ यसकालागि आफूले गर्नुपर्ने सबै सहयोग गर्न आफु प्रतिवद्ध रहेको पनि ओलीले उल्लेख गर्नु भयो । २० करोड करोड ६३ लाख रुपैँयामा भवन भवन २०७८ असार ३१ गते निर्माण सम्पनन भइसकेको छ ।

यसपछि अध्यक्ष ओलीले कमल गाउँपालिकाकै तोपगाछिमा बनिरहेको तोपगाछि खानेपानी आयोजनाको स्थलगत अनुगमन गर्नु भयो ।

९ करोड ८४ लाख ११ हजार २ सय ४० रुपैँया लगानीमा निर्माण हुदै गरेको यो खानेपानी आयोजनाले २०७९ साल असोज १४ सम्म सम्पन्न गरिसक्नु पर्ने सम्झौता छ । सो अवसरमा अध्यक्ष ओलीले आर्सेनिक मिसिएको पानी खाने समस्याबाट यस क्षेत्रका नागरिकलाई मुक्त गराउन आफु अग्रसर रहेको उल्लेख गर्नु भयो । आयोजनाको पाईप बिच्छाउने काम थाती नै रहेको थाह पाउनु भएका ओलीले त्यसको काम अघि बढाउन आफ्ु लागी पर्ने र बजेट अभावका कारण काम रोकिन नदिने प्रतिवद्धता जनाउनु भयो ।


आफ्नो निर्वाचन क्षेत्र समेत रहेकोले ओलीले यस क्षेत्रका नागरिकलाई देख्दा आफुमा काम गर्ने जाँगर अझ बढ्ने कुराको पनि उल्लेख गर्नु भयो । ‘यहाँ आउँदा आफुलाई आफ्नै घर आएजस्तो लाग्छ , सबैलाई देख्दा आफ्नै परिवारका सदस्य जस्तो मात्रै देख्छु । ’ त्यसैले यस क्षेत्रको सर्वाङ्गीण विकासमा आफु कटिबद्ध रहेको र सँधै रहने पनि उल्लेख गर्नुभयो ।

त्यसपछि ओली आज झापाको शिवसताक्षी स्थित झिलझिलेमा रहेको वाटर किङडमको उद्धघाटन समारोहमा सहभागी बन्नु भयो ।

झिलझिलेबाट पार्क स्थल सम्म उहाँलाई बग्गी चढाएर लगिएको थियो । बिभिन्न झाँकी सहित कार्यक्रम स्थल पुर्याइएपछि ओलीले निजि क्षेत्रबाट लगानी भएका यस्ता रिसोर्ट तथा पार्कको प्रर्वधन गर्न आफुले सहयोग गर्ने उल्लेख पनि गर्नु भयो । सो क्रममा आफ्नो पार्टिको एक केन्द्रिय कमिटीको बैठक यहि रिसोर्टमा राख्ने पनि उहाँले घोषणा गर्नु भयो ।

हलमा आफ्ना केन्द्रिय सदूसय अटन्े गरिको व्यवस्था भएमा आगामी केन्द्रिय कमिटीको बैठक यहि रिसोर्टमा गर्ने उहाँले घोषणा गर्नु भयो । पार्टिले यस्ता रिसोर्टहरुमा आफ्ना कार्यक्रम गर्दा त्यस क्षेत्रको प्रवर्धन हुने भन्दै कसैलाई आश्चर्य नमान्न पनि उहाँले आग्रह गर्नु भयो । कोभिडका कारण सुस्ताएको चितवनको सौराहमा आफ्नो पार्टिले महाधिबेसन गरेपछि त्यस क्षेत्रको प्रर्वधन भएको र ब्यापारमा बृद्धि भएको स्मरण गराउनु भयो ।

सो अवसरमा उहाँले आफ्नो सरकार बिदेशीको सहयोगबाट ढालेको बताउनु भएको छ । देशभर आफु नेतृत्वको सरकारले विकासका काम गरेको र यो काम अहिलेका गठबन्धनलाई नपचेका कारण बिदेशीको सहयोग लिएर आफुलाई हटाइएको उहाँले बताउनु भयो ।


देश विकास गर्न पूःन आफ्नै पार्टिको नेतृत्वको सरकार चाहिने भएकोले आगामी निर्वाचनमा नेकपा एमालेलाई मत दिएर सहयोग गर्न पनि उहाँले आम झापालीलाई अपील पनि गर्नु भयो । यो कार्यक्रमपछि उहाँ चन्द्रगडी बिमानस्थलबाट आईतबारनै काठमाडौ फर्कनु भयो ।

Share:

Facebook
Twitter
Email
WhatsApp