दमक, मंसिर ९
नीजि तथा आवासीय विद्यालय अर्गनाईजेशन नेपाल (प्याब्सन ) दमकको तेस्रो नगर अधिवेशनले नवीन योगीको नेतृत्वमा सर्वसहमत रुपमा नयाँ समिति चयन गरेको छ । योगी यसअघि नगर सचिव रहनु भएको थियो ।
समितिको उपाध्यक्षमा मित्र खत्री, सचिवमा लक्ष्मी नेपाल, सहसचिवमा विनोद बुढाथोकी, कोषाध्यक्षमा एलिजा सिटौला र सहकोषाध्यक्ष यमुना बुढाथोकी चयन हुनु भएको छ । दिपेन्द्र पौडेल, रेनुका खनाल, प्रतिमा कोइराला, सागर सुब्बा, माधब भट्टराई सदस्यमा चुनिनु भएको छ ।
अधिवेशन उद्घाटनका अवसरमा प्याब्सनका केन्द्रीय उपाध्यक्ष नारायण घिमिरेले निजी विद्यालयमाथि सरकारको दृष्टिकोण सकारात्मक बन्नुपर्नेमा जोड दिनु भएको थियो ।
अधिवेशन नगर समितिका तात्कालिन अध्यक्ष जर्नादन मैनालीको अध्यक्षतामा सम्पन्न भएको थियो ।
