दमक, माघ १६
झापाको दमक १ मा रहेर शिक्षा क्षेत्रमा अग्रणी भूमिका निर्वाह गर्दै आएको चुलाचुली इङ्लिस बोर्डिङ सेकेण्डरी स्कुलले विद्यार्थीका रोचक र कलात्मक प्रस्तुतिकासाथ बुधबार आफ्नो ४५ औं वार्षिकउत्सव मनाएको छ ।
वि.सं.२०३७ मा स्थापना भएको विद्यालयले आफ्नो ४५ औं वर्ष प्रवेशका अवसरमा अभिभावकहरुबीच विद्यार्थीका सृजनशील प्रतिभा प्रस्तुत गराएको छ । जसमा कक्षा नर्सरीदेखि आधारभूत तहसम्मका विद्यार्थीहरुले नृत्य, गीत र साँस्कृतिक प्रस्तुतिसहितका १२ वटा प्रस्तुति दिए । जसमा,विभिन्न जातजाति समिश्रित प्रस्तुति आकर्षक रह्यो । अनि मारुनी, लिम्बूसहितका एकल तथा सामुहिक नृत्यका साथै गीत समेत उसैगरी प्रस्तुत भए । जसले अभिभावकलाई आनन्दित र आकर्षित गर्यो । विद्यार्थीहरुले मन्तव्य व्यक्त गरेर आफ्नो वाककला समेत प्रस्तुत गरेका थिए ।
सो अवसरमा अभिभावकबीचको इनआउट खेलमा आशिष चेम्जोङ, प्रकाश थापा र मदन तामाङ क्रमशः पहिलो, दोस्रो र तेस्रो भएर पुरस्कृत बन्नुभयो । महिला अभिभावकको तातो आलु खेलमा सुनिता अधिकारी, शान्तिकला राई र कल्पना राई क्रमशः पहिलो, दोस्रो र तेस्रोस्थान हाँसिल गरेर उसैगरी पुरस्कार हात पार्नुभयो ।
बोअलिङतर्फ, कमलप्रसाद आङ्देम्बे, मकरबहादुर तामाङ र कार्यक्रमका प्रमुख अतिथि कुबेरप्रसाद भट्टराईले क्रमशः पहिलो, दोस्रो र तेस्रो स्थान प्राप्त गर्नुभयो ।
विद्यालयका संस्थापक निर्देशक मनोज साम्पाङ राईको अध्यक्षताको कार्यक्रममा विद्यालयका शिक्षक रमण दाहालले विद्यालयको प्रगति बारेमा अभिभावकहरुलाई जानकारी गराउनु भयो ।
विद्यालयहरुमा गुणस्तरीय शिक्षा विस्तारकालागि नगरपालिकाले नीति बनाउँदै लगेको छ । सामुदायिक र संस्थागत विद्यालयको शैक्षिक गुणस्तरमा एकरुपता सहितमा पहल गरिहेको कार्यक्रमका प्रमुख अतिथि नगर शिक्षा समिति संयोजक एवम् दमक ९ का वडाअध्यक्ष कुबेरप्रसाद भट्टराईले उल्लेख गर्नुभयो । उहाँले चुलाचुली स्कुलको प्रगतिको समेत उहाँले प्रशंसा गर्नुभयो ।
कार्यक्रममा शिक्षक विनोद भण्डारीले मनोरञ्जनात्मक खेलको संयोजन गरेर रोचक बनाउने भूमिका निर्वाह गर्नुभएको थियो । विद्यालयका प्रिन्सिपल चन्द्रप्रकाश राईले धन्यवाद ज्ञापन गर्नुभएको थियो ।
