दमक, माघ २७
यी तस्वीरका दुई व्यक्ति झट्ट हेर्दा उस्तै लाग्छन् । धेरैलाई यी दुई तस्वीर कर्तव्य ज्यान मुद्धामा जेल जीवन बिताइरहेका नेपाली कांग्रेसका नेता मोहम्मद अफताब आलमको भन्ने लाग्छ ।
ं
जुन तस्वीरको अहिले सामाजिक सञ्जालमा चर्चा छ । पहिलो तस्वीर भनें प्रख्यात हास्यकलाकार सीताराम कट्टेल धुर्मुसको फरक अवतार रहेको ‘लाज शरणम्’ चलचित्रको हो । ‘लाज शरणम्’को ट्रेलर र त्यसको गीत ‘हेर्दा हेर्दै’मा को दृष्यमा उहाँलाई आलम जस्तै देखिन्छ ।
आफ्ना भाइ अर्थात् कुमार कट्टेल जिग्रीको निर्देशन रहेको चलचित्र ‘लाज शरणम्’मा निर्वाह गरेको चरित्रमा सीताराम आलमको हुलियामा देखिनुभएपछि यसको फरक चर्चा छाइरहेको छ । अहिले सीतारामलाई आलमसँग दाँजेर हेर्ने गरिएको छ । सामाजिक सञ्जालमा सीतारामले आलमको गेटअप हुबहु नक्कल गरेको प्रतिक्रिया आइरहेको छ । जुन चलचित्र आगामी फागुन १४ गतेबाट प्रदर्शनमा आउने भएको छ ।
निर्माण पक्षले सीतारामले निर्वाह गरेको पात्रको हुलिया आलमसँग मिल्नु संयोग मात्रै भएको जनाएको छ । हुन त चलचित्रमा सीतारामको भूमिकाबारे निर्माण पक्षले गोप्य राख्दै आएको थियो ।
सीताराम वि.सं. २०७२ सालको भूकम्पपछि समाज सेवामा जुट्दै चितवनमा रंगशाला निर्माणमा समेत लागेपछि अभिनय यात्रामा विश्राम भएको अवस्थामा सीतारामको यो कमव्याक चलचित्र हो ।
