दमक, फागुन २
नेपाली कथानक चलचित्र ‘दुखी आत्मा’ र ‘रंगी’ शुक्रबारदेखि नेपालभरका हलहरुमा एकसाथ प्रदर्शनमा आएका छन् ।
फ्राइडे रिलिज अन्तर्गत सँगैै जुधेको ‘दुखी आत्मा’ मा दीपेन्द्र लामाले निर्देशन रहेको छ भने ‘रंगी’मा सुरेश न्यौपानेको निर्देशन छ । अघिल्ला साता प्रदर्शनमा आएका ‘ममी’, ‘एक्टरः टेक वान’ लगायतले पनि अझै केही हलहरुमा निरन्तरता पाइरहँदा यी सबै चलचित्र प्रतिष्पर्धात्मक अवस्थामा छन् ।
निर्देशक लामाकै लेखनमा यौन शिक्षाको विषयमा निर्माण भएको ‘दुखी आत्मा’ मा दयाहाङ राई र आँचल शर्माको मुख्य भूमिका रहेको छ । यसमा यौनमा कमजोर भएको पुरुषको कथा भन्छ । दयाहाङ र आँचलकासाथै कविता आले, अनुप विक्रम शाही, बुद्धि तामाङ, लोकेन्द्र लेखक, दिया मास्के, रेयर राई, पुष्कर गुरुङ, आरती आचार्य, आशान्त शर्मा, लुनिभा तुलाधर लगायतको अभिनय छ । हिमाल कडरियाको निर्माण रहेको चलचित्रमा सुदिप ढकाल कार्यकारी निर्माता रहनु भएको छ ।
सलोन बस्नेत र नम्रता श्रेष्ठको मुख्य भूमिका रहेको ‘रंगी’ बाबु र छोरीको भावनात्मक कथामा निर्माण भएको छ । अभिनेता सलोन बस्नेतको निर्माणमा बनेको सो चलचित्र सुरेशको सुरेशको पहिलो निर्देशित चलचित्र हो । यसमा सक्षम सुवेदी, करिश्मा केसी बस्नेत र अनीश गौतम निर्माता रहेको फिल्ममा सलोन र नम्रताको अलवा मलिका महत, दिलीप रायमाझी, आयुषी ढकाल, उत्तम केसी, सुमिन गुरुङ र विशाल पहारीको अभिनय छ ।
