एजेन्सी, फागुन २६
हमास युद्ध विरामका लागि इजिप्ट, कतार र अमेरिकाको मध्यस्थतामा सोमबार कतारको दोहामा शान्ति वार्ता हुँदै छ ।
युद्ध विरामका सन्दर्भको बार्तामा इजरायलले बन्दी बनाएका सबै जनाको रिहाइको विषयमा छलफल हुनेछ ।
यसैबीच अमेरिकी राष्ट्रपति डोनाल्ड ट्रम्पका दूत आदम बोस्चरले हमाससँगको सोझो वार्ता उपलब्धिमूलक हुने तथा यसको परिणाम यसै साता देखिने दाबी गर्नुभएको छ । केही इजरायली सञ्चार माध्यमले उहाँको भनाइलाई अतिरञ्जित गरेको आरोप समेत लगाएका छन् ।
वार्ता अगाडी नै इजिप्टले गाजाको पुनः संरचनाको योजना सार्वजनिक गरेको छ । पहिलो चरणमा तीन अर्ब अमेरिकी डलर तथा दोस्रो चरणको २० अर्ब अमेरिकी डलर बराबरको पुनः संरचना योजना इजिप्टले तयार पारेको हो ।
