एजेन्सी, चैत १४ – दक्षिण कोरियामा लागेको भिषण डढेलो बस्तीमा पस्दा अहिलेसम्म मृत्यु हुने मानिको संख्या कम्तिमाम २६ रहेको छ ।
अहिलेसम्मकै सबैभन्दा ठूलो डढेलोका रुपमा रहेको सो घटनाबाट ३० जना बढी घाइते भएका छन् जसमध्ये ८ जना सख्त अवस्थामा रहेको त्यहाँका सञ्चारमाध्यमहरुले जनाएका छन् । बुधबार डढेलो नियन्त्रणका लागि परिचालन गरेको हेलिकप्टर दुर्घटना हुँदा एक जना पाइलटको निधन भएको थियो । कम्तीमा ३ जना अग्नि नियन्त्रकहरूले पनि ज्यान गुमाइसकेका छन् ।
उइसोङ सहरमा आगलागीबाट बढी क्षति भएको अधिकारीहरूले बताएको उल्लेख छ । मृत्यु हुने अधिकांशको उमेर ६० देखि ७० वर्षको बिचमा रहेको जानकारी प्राप्त भएको छ ।
डढेलो नियन्त्रण गर्नका लागि हजारौँ अग्नि नियन्त्रकहरूका साथै सैनिक परिचालन गरिएको छ । उइसोङ सहरमा डढेलोले सन् ६१८ मा बनेको गौन्सा मन्दिर ध्वस्त बनेको छ । यो सो प्रान्तको सबैभन्दा ठूलो मन्दिरमध्ये एक थियो ।
