दमक, चैत १८ / दमक ६ मा मुख्य कार्यालय रहेको पशुपति बचत तथा ऋण सहकारी संस्थाले सोमबारबाट कमल गाउँपालिका ५ मङ्गलबारेमा विधिवत रुपमा कमल सेवा केन्द्रको उदघाटन गरेको छ ।
संस्थाका सल्लाहकार समिति संयोजक प्रेम पाण्डेले पानसमा बत्ति बालेर सेवाकेन्द्र उदघाटन गर्नु भयो । कार्यक्रममा सल्लाहकार युवराज घिमिरे, खगेन्द्र पाण्डे, महेन्द्र खडका, अध्यक्ष मिलन आचार्य, सेवाकेन्द्र प्रमुख जुनु रेग्मी (निरौला), सामाजिक व्यक्तित्व राजु न्यौपाने, शेयर सदस्य कर्मचारीलगायतको उपस्थिति रहेको थियो ।
२०७१ सालमा स्थापना भएको सो सहकारीमा २ हजार ५ सय बढी शेयर सदस्य रहेको अध्यक्ष आचार्यले जानकारी दिनुभयो । संस्थाले सहकारी सिद्धान्त अनुरुप समुदायप्रतिको चासो एवम् सामाजिक उत्तरदायित्वका विभिन्न सामाजिक कार्यहरु समेत गर्दै आइरहेको छ ।
