एजेन्सी, २५ बैशाख / भारत र पाकिस्तानबीच द्वन्द बढ्दै जाँदा पाकिस्तानले जवाफी कारबाही थालेपछि भारतले वायु, समुद्र र स्थलमा हाई अलर्टको रणनीति अपनाएको छ ।
जम्मू–कश्मीरको सीमा रेखाछेउको गाउँमा पाकिस्तानी सेनाले गरेको बमबारीमा मानिसहरुको ज्यान गएको घटनालगत्तै भारतले वायु, समुद्र र स्थलमा हाई अलर्ट जारी गरेको हो ।
पाकिस्तानले जवाफी कारवाही बढाउन सक्ने सम्भावनालाई आँकलन गर्दै तीन तिरैबाट हाई अलर्ट रहनु परेको भारतीय रक्षा मन्त्रालयले जनाएको छ । उता, पाकिस्तानी प्रधानमन्त्री शहबाज सरिफले पहलगाममा भएको हत्यापछि पाकिस्तानलाई भारतीय आक्रमणको जवाफ दिएको प्रतिक्रिया दिनुभएको छ, जसका कारण झनै द्वन्द बढ्न पुगेको छ ।
