दमक | २७ बैशाख | पछिल्लो समय बालबालिकामा नैतिकतामा कमि आएको भन्दै नैतिक शिक्षा सिकाउने अभियान सुरु भएको छ । जसको सुरुवात दमकमा भर्खरै स्थापित बुद्ध बिहारले गरेको छ ।
सो अभियान अन्तरगत शनिबार बिहारले दमक ९ मा रहेको बाल बृदाआश्रममा कार्यक्रम सम्पन्न गरेको छ ।
बिहारका गुरुले बुद्धका वाणी सहित नैतिक शिक्षाका बारेमा आश्रममा रहेका २८ जना बालबालिकालाई प्रदान गरिएको थियो ।
नैतिकता बढाउन र सिकाउन यसखालको सन्देशमुलक कार्यक्रम आयोजना गरिएको बिहारका दमक सचिव कमल उदासले जानकारी दिनुभयो ।
२६४९ औ बुद्ध जयन्तीको अबसर पारेर सम्पन्न गरिएको सो कार्यक्रममा बिहारमा आवद्ध सदस्य , पदाधिकारी तथा आश्रमका सबै बालबालिका र पदाधिकारीहरु सहित सामुहिक भोजन त्यही पकाएर सगसगै ग्रहण समेत गरिएको उदासले जानकारी दिनु भयो ।
बिहारले बुद्ध जयन्तीको अबसरमा आइतबार दमक नगरपालिकामा रहेको बुद्धको मुर्तिमा माल्यर्पण गर्ने र २९ गते बुद्ध जयन्तीका दिन शान्ती पथयात्रा गर्ने साथै विभिन्न ब्यक्तित्वहरुलाई सम्मान समेत गर्ने कार्यक्रम रहेको जनाईएको छ ।
