दमक, २७ बैशाख / दमकमा खेलकुद महोत्सवको आज औपचारिक उद्धघाटन गरिएको छ ।
दमक खेलकुद महोत्सबको दमक नगरपालिकाका प्रमुख रामकुमार थापाले उद्घाटन गर्दै उहाँले दमकलाई खेलकुदका माध्यमबाट सबैसँग जोड्न पनि यो खेलकुद महोत्सब फलदायी हुने उल्लेख गर्नुभयो । उहाँले सानै उमेरबाट खेलकुदका माध्यमबाट स्वस्थ रहन र राष्ट्रको हितका लागि पनि सबैलाई समेट्ने प्रयास नगरपालिकाले गरेको धारणा राख्नुभयो ।
यस्तै, दमक नगरपालिकाकी उपप्रमुख रेगिना भट्टराई प्रसाईले खेललाई उत्पादनसँग जोड्ने र खेलाडीको पहिचान गर्ने उदेश्य राखेर यस किसिमको महोत्सबको आयोजना गरिएको बताउनुभयो । महोत्सबले खेलको पहिचान र दमकलाई खेलको माध्यमबाट सबैतिर चिनाउने आफुहरुको उदेश्य रहेको भट्टराईले बताउनुभयो ।
औपचारिक रुपमा आज उद्धघाटन भएपनि महोत्सव अन्तर्गतका क्रिकेट २४ र र फुटबल २५ गतेबाट नै सुरु भएका थिए । महोत्सवमा बिभिन्न बिधागत खेलका फरक/फरक प्रतिपर्धा हुने दमक नगर खेलकुद विकास समितिका अध्यक्ष भीम चौलागाईले जानकारी दिनुभयो ।
दमकमा पहिलो पटक भएको यो महोत्सवले दमकमा १० वटै वडाका खेलाडीहरु बिच प्रतिष्पर्धा हुने खेल संयोजक तारा अधिकारीले जानकारी दिनुभयो । उहाले ग्रास रुटदेखि नै खेलाडी उत्पादन गर्ने सोच रहेको बताउनुभयो ।
महोत्सब सम्पन्न गर्न कुल २२ लाख रुपैया लाग्ने र २० लाख रुपैया दमक नगरपालिकाले बिनियोजन गरिदिएको महोत्सव संयोजक अधिकारीले जानकारी दिनुभयो ।
