दमक, २८, बैशाख । झापाको दमकमा गएराति भएको सडक दुर्घटनामा परि एक जनाको मृत्यु भएको छ भने एकजना सिकिस्त घाईते भएका छन् ।
गएराति सवा १० बजे दमक १ स्थित रबि स्टेन गेट अगाडि बेलडाँगीबाट दमक चोक तर्फ आउँदै गरेको ग १ ख ६४३७ नम्बरको ट्रकले फाल्गुनन्द चोकबाट बेलडाँगी तर्फ जाँदै गरेको मे ८ प ४५५८ नम्बरको स्कुटरलाई ठक्कर दिएको थियो ।
ट्रकको ठक्करबाट स्कुटर चालक ताप्लेजुङ दोभान घर भई हाल दमकस्थित दमक थकाली किचन घरमा कार्यरत २२ बर्षका अँकित लिम्बुको घटनास्थलमै मृत्यु भएको दमक ट्राफिकले जानकारी दिएको छ । स्कुटरको पछाडी सवार पाँचथर मिक्लाजुङ गाउँपालिका ४ कि ४२ बर्षीया सृजना राई गम्भिर घाईते भएकी छन् ।
उनको बि एण्ड सी अस्पताल बिर्तामोडमा उपचार भईरहेको छ । ट्रक चालक भने फरार रहेकाले खोजी कार्य जारी रहेको र ट्रक र स्कुटर दमक प्रहरीको नियन्त्रणमा रहेको छ ।
