दमक, ७ बैशाख । स्वास्थ्य जीवनको चाहना, योग , शिक्षा र साधना भन्ने नारा सहित स्थापीत भएको सुर्यदर्शन योग साधना केन्द्रको प्रथम वार्षिक उत्सव सम्पन्न भएको छ । सुर्यदर्शन बचत तथा ऋण सहकारी सस्थाले आफ्ना सदस्यहरुमा योग साधना गराएर स्वस्थ्व जीवन जीउने वातावरण बनाइदिएको हो । यसरी योगसाधना केन्द्रमा आउनेहरुमा निकै परिवर्तन भएको र यसले आर्थीक तनावबाट समेत मुक्त गराउन मद्यत गरेको बताइएको छ ।
झापाको दमक २ स्थायी घर भइ अहिले दमक ७ मा बस्दै आउनु भएका तारा प्रसाद उप्रेती यस साधना केन्द्रमा आएर योग ध्यान गर्ने नियमीत साधक हुनुहुन्छ । योग गरेपछि आफ्नो शिरिरमा रहेका सबैखाले रोगहरु निको हुन थालेको र बाहिरी औषधीको समेत प्रयोग घटाउँन थालेको उहाँले अनुभव सुनाउनु भयो ।
बजार क्षेत्रमा रहेका व्यवसायीहरु मुख्य सदस्य रहेको यस सहकारीले आफ्ना सदस्यहरुको आर्थीक तनाव घटाउन पनि यो खाले योग साधना गराउन थालेको हो । सस्थाका सञ्चालक सदस्य समेत रहनु भएका रोटरी क्लव अफ दमकका अध्यक्ष बिक्रम शाहले व्यापारीलाई स्फुर्ती पार्न योग महत्वपूर्ण रहेको र सुविधा सम्पन्न हल समेत उपलब्ध गराएर सहकारीले सहयोग गरेको भन्दै प्रशंषा गर्नु भयो ।
नेतृत्व परिवर्तन समेत भएको बुधबार यो वार्षिक उत्सव निकै भव्य र सभ्य भयो । नेतृत्व चयन हुनुअघी बोल्दै सस्थाका अध्यक्ष टिकाराम सापकोटाले भन्नु भयो सबै सर्वसम्मत नेतृत्व चयन होस । यहाँ कुनै राजनैतिक मदभेद नहोस । सबैले अपनत्व हुनेगरिको नेतृत्व बन्यो भने मात्रै सर्वस्वीकार्य हुन्छ ।
कार्यक्रमको प्रमुख अतिथीका रुपमा बोल्दै दमक नगरपालिका वडा नं ६ का वडाध्यक्ष टेक बहादुर थापाले सहकारीका सदस्यहरुलाई योग तथा ध्यानको माद्यमबाट स्वस्थ्य जीवन यापन गर्ने काममा योगदान गरेको भन्दै सस्थाको प्रशंषा गर्नु भयो । उहाँले भन्नु भयो यो अभ्यास अन्य सस्थाहरुले समेत गर्न आवश्यक छ ।
अधिबेसनले गंगाराम दाहालले संयोजकत्वमा ७ सदस्य योग साधना समिती गठन गरेको छ । जसको सह–संयोजकमा देवि भट्टराई, सचिवमा निर्मला पराजुली र कोषाध्यक्षमा जानुका घिमिरे चयन हुनु भएको छ । यस्तै सदस्यहरुमा जमुना प्रसाई, चन्द्रा श्रेष्ठ र मीना देवि आचार्य चयन हुनु भएको छ ।
साथै अधिबेशनले तारा चम्लाईगाईलाई मुख्य प्रशिक्षक र अन्य चारजनालाई प्रशिक्षकको रुपमा समेत चयन गरेको छ । र राजकुमार खड्काको संयोजकत्वमा गठीत सल्हाकार समितीमा टंक आचार्य, अशोक चौधरी र इश्वर नेपाल समेत चयन हुनु भएको छ । सस्थाको १६ औ वार्षिक उत्सवको अवसरमा साताव्यापी बिभिन्न कार्यक्रम आयोजना गरेको छ ।
