झापा, २७ जेठ । अत्याधिक गर्मीका कारण झापाको कमल गाउँपालिकाभित्रका सबै सामुदायिक तथा संस्थागत विद्यालयहरू २ दिनका लागि बन्द हुने भएका छन्।
कमल गाउँपालिका कार्यालयले एक सूचना जारी गर्दै मिति २०८२ असार २८ र २९ गते विद्यालय सञ्चालन गर्दा समस्या उत्पन्न भएको भन्दै तात्कालिक रूपमा विद्यालयको पठनपाठन स्थगित गर्न अनुरोध गरेको हो।
गाउँपालिकाका अध्यक्ष हुकुमसिंह राईद्वारा हस्ताक्षरित सूचनामा अत्यधिक गर्मीले नियमित पठनपाठनमा बाधा पुर्याएको उल्लेख गरिएको छ। सो कारणले विद्यार्थीरूको स्वास्थ्यमा प्रतिकूल असर पर्नसक्ने सम्भावनालाई ध्यानमा राख्दै उक्त निर्णय लिइएको जनाइएको छ।
गाउँपालिकाले मातहतका सबै विद्यालयहरूलाई सूचनाको पालना गर्न अनुरोधसमेत गरेको छ।
