दमक, ५ असार । पछिल्लो समय वडा वडामा मेलमिलाप केन्द्रहरु छन् । तर, मेलमिलाप केन्द्रम ागर्न सकिने कामहरुका बारेमा उति साह्रो ज्ञान नहुँदा कहिलेकाहि समस्यानै उत्पन्न पनि हुने गरेको छ । यसैलाई मध्यनजर गर्दै दमक नगरपालिका वडा नम्बर ३ को सहयोगमा सोही वडाको वडा मेलमिलाप केन्द्रले सामाजिक न्याय, न्यायिक प्रक्रिया तथा मेलमिलाप सम्बन्धी अभिमुखीकरण कार्यक्रमको आयोजना गर्यो ।
दमक नगरपालिका वडा नम्बर ३ को आयोजनामा “सामाजिक न्याय, न्यायिक प्रक्रिया तथा मेलमिलाप सम्बन्धी अभिमुखीकरण कार्यक्रम २०८२” सम्पन्न भएको छ । दमक–२ स्थित फनपार्कमा आयोजित उक्त कार्यक्रममा मेलमिलाप प्रणालीमार्फत सामाजिक न्याय सुनिश्चित गर्ने विषयमा विभिन्न जानकारीहरू प्रदान गरिएको थियो । कार्यक्रममा मेलमिलापको अवधारणा, कानुनी प्रक्रिया, समाजमा मेलमिलाप केन्द्रको भूमिका र त्यसको प्रभावकारी कार्यान्वयनबारे छलफल गरिएको अभिमुखिकरण कार्यक्रमका सहजकर्ता तथा दमक नगरपालिकाका कानून सहायक नबिन खतिवडाले जानकारी दिनुभयो ।
नागरिकबीच उत्पन्न हुने विवादलाई शान्तिपूर्ण तरिकाले समाधान गर्न मेलमिलाप प्रक्रिया कति महत्वपूर्ण छ भन्ने विषयमा आफुहरुले ज्ञान पाएको अभिमुखिकरणमा सहभागी हुनुभएका दमक ३ का स्थानीयवासी सुकदेब लुईटेल बताउँनुहुन्छ । यस्ता प्रकारका अभिमुखिकरण कार्यक्रम समय समयमा गरिराख्नुपर्ने उहाको सुझाव थियो ।
अभिमुखिकरण कार्यक्रममा दमक नगरपालिका वडा नम्बर ३ का वडा सचिब बालकृष्ण कोईरालाले बिगतमा मेलमिलाप केन्द्रमा हात हालाहालसम्मको स्थिती आएको दृष्टान्त सुनाउदै यस्ता प्रकारका अभिमुखिकरण कार्यक्रमले भने सबैलाई सहजीकरण गर्न सहयोग पुग्ने आफुहरुको विश्वास रहेको उल्लेख गर्नुभयो ।
न्यायिक प्रक्रियालाई सहज बनाउँदै समाजमा मेलमिलाप संस्कृति प्रवद्र्धन गर्न यस कार्यक्रमले टेवा पुग्ने आयोजकको अपेक्षा छ । दमक नगरपालिका वडा नं. ३ को सहयोग तथा वडा मेलमिलाप केन्द्र, दमक–३ द्वारा कार्यक्रमको आयोजना गरिएको थियो ।
