काठमाडौं, २७ असार | महानायक राजेश हमालले जीवनलाई सजिलो बनाउने उपाय “तितो सत्य स्वीकार गर्ने साहस” भएको बताएका छन्। गुरुपूर्णिमाको अवसरमा लैनचौरस्थित मल्ल होटलमा आयोजित अकल्ड विज्ञान उत्कृष्ट पुरस्कार वितरण कार्यक्रममा बोल्दै हमालले जीवन युद्धसरह भएको बताएका थिए।
“जीवन एउटा युद्ध हो,” हमालले भने, “हामीले सम्पूर्ण युद्ध जित्न सक्दैनौं, तर त्यसमै भएका केही मुटभेड जित्छौं — त्यही नै सफलता हो।”
उनी थप्छन्, “वास्तविकता बुझ्ने भनेर जीवन सजिलो हुँदैन। बरु तितो सत्य स्वीकार्न सक्ने भए जीवन सजिलो हुन्छ।”
उनले साना सफलतामा रमाउन, जस्तोसुकै अवस्थामा भएपनि आत्माभित्रबाट जीवनलाई गम्भीर रूपमा बुझ्न र सकारात्मक उर्जा बोकेर अघि बढ्न सुझाव दिए।
८० जना व्यावसायिक बास्तु र ज्योतिष विज्ञ सम्मानित
सोही कार्यक्रममा संस्कार एकेडेमीले नेपालकै पहिलोपटक अनकज्योतिष, वास्तुशास्त्र, स्वर विज्ञान, एएलपी, हस्ताक्षर विज्ञानलगायतका १९ विधामा ८० जना विज्ञलाई सम्मानित गर्यो।
संस्कार एकेडेमीले नेपालमा साइन्टिफिक वास्तु, मोडर्न अंक ज्योतिष र अन्य प्रोफेसनल कोर्सहरु नियमित रूपमा सञ्चालन गर्दै आएको छ।
कार्यक्रममा विजयराज सिग्देलले पनि जीवनका भोगाइ र संस्कार सम्बन्धी अनुभव सुनाएका थिए।
