विराटनगर,११ भदौ । विराटनगर –८ हाटखोलामा रहेको जिल्ला कारागार मोरङमा सुनसरी बराहक्षेत्र ६ बस्ने राधिका भन्ने बर्ष ३२ की राधा भट्टराईले बुधबार बिहानको राति झुन्डिएर आत्महत्या गरेकी हुन् । कारागारमा रहेको शौचालयभित्र चुकुल लगाई सलको पासो लगाई उनी झुन्डिएको प्रहरीले जनाएको छ ।
उनी २०८० माघ ५ गतेदेखि थुनामा रहेकी थिइन् । सुनसरी जिल्ला अदालतबाट २०८१ कात्तिक ७ गतेको फैसला आदेशानुसार कर्तब्य ज्यान मुद्दामा उनलाई २० बर्ष कैद सजाय तोकिएको थियो।
मोरङ प्रहरी प्रवक्ता डीएसपी कोपिला चुँडालले घटनाको प्रकृति हेर्दा झुन्डिएर आत्महत्या गरेजस्तो देखिने बताँउनु भएको छ । घटनाको जानकारी पाउनसाथ डीएसपी चुँडाल नेतृत्वको टोली अनुसन्धानका लागि खटिएको छ ।
