झापा /
सुनसरीको धरान–४ को जंगलमा बीभत्स अवस्थामा भेटिएको शवको सनाखत भएको छ ।
मृतक झापा दमक ५ का ४३ वर्षीय दिपक सिग्देल भएको पहिचान भएको सुनसरी प्रहरी प्रमुख एसपी सन्जयसिह थापाले जानकारी दिए ।
कोशी राजमार्गको भेडेटार सडक खण्ड नजिकैको जंगलमा घाँसदाउराका लागि गएका गाउँलेले गत बुधबार पहिलोपटक शव देखेका थिए । थाहा पाएपछि प्रहरीलाई खबर गरेका थिए । जेब्रा झोलामा मान्छेको खुट्टा र टाउको देखेपछि उनीहरूले प्रहरीलाई खबर गरेका थिए ।
बिहीवार अर्को झोलामा जिउ फेला परेको थियो । त्यसपछि प्रहरीले उनको स्केच सार्वजनिक गरेको थियो । सुनसरी प्रहरीका अनुसार सोमबार उनका परिवारका सदस्य आएर मृतक दिपक सिग्देल भएको पुष्टि गरेका हुन ।
एसपी थापाका अनुसार वैदेशिक रोजगारीबाट फर्केका दिपक घरबाट बाहिर हिडिरहने गरेका थिए । यसपटक कहिलेदेखी घरमा सम्पर्कविहीन थिए भन्ने खुलिनसकेको एसपी थापाले बताए । ‘सनाखत भएको छ, थप अनुसन्धान जारी छ’, उनले भने ।
