दमक, २१ असोज । दमकको तरकारी बजारमा तरकारीको मुल्य अत्याधीक बृद्धि भएको छ । दैनिक प्रयोग गरिने हरिया तरकारीको मुल्य बढेपछि उपभोक्ता मारमा परेका छन् । १५ दिन अघीको तुलनामा अहिले हरिया तरकारीको मुल्य दुई गुना नै बढेको भन्दै उपभोक्ताले गुनासो गरेका छन् । तर व्यापारी भन्छन् यो सिजन त मुल्य बढ्नेनै हो नी ।
हेर्दा हरिया र ताजा तरकारी बजारमा देखिन्छ तर किन्न गयो सब्जीको मुल्य अत्याधीक बढेको छ । चाडबाडको समयमा हरिया तरकारी उपभोक्तालाई धेरै आवश्यक र्पछ तर यही समयमा दमकमा सब्जीको मूल्य बढेर किनी सक्नु छैन । अहिले बजारमा कतीमा तरकारी खरिद गरियो , कतिमा बेचिदैछ ? कस्तो बेचीदैछ भन्ने कुराको कुनै अनुगमन समेत हुन सकेको छैन । यसरी अनुगमन समेत हुन नसके पछि उपभोक्ता ठगीएको महसुस गरिरहेका छन् । दमक ९ का उपभोक्ता रमेश अधिकारी ।
उपभोक्ता रमेश अधिकारी मात्र होइन लखनपुर कमल झापाकी सुधा पौडेल पनि भन्नु हुन्छ चाडबाडमा एकै चोटी कमाँउ भन्ने उदेश्यले हो कि तरकारीको मुल्य अत्याधीक बढेको छ। उपभोक्ता मारमा परेका छन्। जनप्रतिनिधिले बजार अनुगमन गरिहेका छैनन । बजारको व्यवस्थापन तथा नियन्त्रण गर्न आन्तरीक उत्पादनलाई बढवा दिएर मुल्य तोकी दिदा मात्रै पनि उपभोक्तालाई राहत मिल्ने सुझाव उहाँको छ ।
यता व्यापारी भने अहिले तरकारीको मुल्य बढने सिजन रहेको दावि गर्छन । झरिले गर्दा स्थानय तरकारी कम उत्पादन हुनुको साथै बाहिरबाट तरकारी आँउने भएकोले उत्पादन कम र उपभोक्ता धेरै भएकोले तरकारीको मुल्य बढेको दावि गर्नु हुन्छ दमक तरकारी तथा फलफूल व्यवसायी सघंका अध्यक्ष कुमार श्रेष्ठ। अव अहिले झरि पनि रोकियो अलिक दिन पछि तरकारीको मुल्य घट्न सक्ने उहाँको अनुमान छ ।
दशैमा मासु खाएर मुख र्फेन तरकारी किन्न बजार आँउदा दशै अगाडिको तुलनामा तरकारीको मुल्य अत्याधीक बढेको छ । उपभोक्ताको यस्तो अवस्थाको फाईदा उठाएर व्यापारीले मुल्य बढाएका हुन वा व्यापारीले दावि गरे अनुसार अहिले मुल्य बढ्ने नै सिजन हो ? यसबारेमा सरकारी निकायको निष्कृयताले थप अन्यौलता बढाइ रहेको छ । दमक नगरपालिकामा रहेको अनुमगन समिती यस्तो विषम पस्थितीमा अनुगमन गर्न बाहिर निस्केको छैन । जसले गर्दा उपभोक्ता आफु ठगी रहेको महसुस गरीरहेका छन् ।
