दमक, २९ असोज । झापा दमकको पाथिभरा गेष्ट हाउसमा एक महिला मृत फेला परेको प्रहरीले जनाएको छ।
मङगलबार दिउँसो १२ः३० बजे दमक वडा न.६ बस्ने रुपादेबी कडरियाले संचालन गर्दै आएको पाथिभरा गेष्ट हाउसमा काम गर्दै आएकी धनकुटा पाख्रीवास स्थायी घर भएकी अन्दाजी बर्ष ३६ की सम्झना परियार मृत फेला परेको प्रहरीले जनाएको छ ।
उनी अघिल्लो दिनको राति खाना खाई तीन तले होटलको दोस्रो तलाको सधै सुत्ने कोठामा सुतेकी थिइन् । हिजो दिउँसोसम्म नउठेपछि सोही गेष्ट हाउसमा बसेकी दुर्गा बर्देवाले बोलाउन जाँदा नबोलेको र हेर्दा घोप्टो परी सुतिरहेको अबस्थामा फेला परेकी हुन्।
त्यसबारे जानकारी गराउनसाथ इलाका प्रहरी कार्यालय दमकबाट प्रहरी टोली खटिएर हेर्दा परियारको मृत्यु भइसकेको थियो भने उनले मादक पदार्थ सेवन गरेको जस्तो देखिएको र कुनै चोटपटक निलडाम नदेखिएको प्रहरीले बताएको छ ।
एआइ तस्बीर
