अर्नब’ चक्रवातको प्रभाव स् देशभर वर्षा र हिमपातको उच्च जोखिम

काठमाडौँ, १३ कात्तिक । बंगालको खाडीबाट उठेको चक्रवात ‘अर्नब’ कमजोर भए पनि त्यसको प्रत्यक्ष प्रभावका कारण नेपालभर वर्षा, बाक्लो हिमपात र हावाहुरीको जोखिम बढेको छ। विशेषगरी कोशी र बागमती प्रदेशमा भारी वर्षा तथा उच्च हिमाली भेगमा हिमपहिरोको चेतावनी दिँदै सरकारले सुरक्षा निकायलाई ‘हाइ अलर्ट’ मा राखेको छ।

जल तथा मौसम विज्ञान विभागका अनुसार भारतको आन्ध्र प्रदेश र यानम तटीय क्षेत्रबाट जमिनमा प्रवेश गरेको चक्रवात उत्तर–उत्तरपश्चिमतर्फ सर्दै गहिरो न्यूनचापीय प्रणालीमा परिणत भई नेपाल प्रवेश गरेको हो। चक्रवातको मूल स्वरूप कमजोर भए पनि यसले ल्याएको मौसमी प्रणाली सक्रिय रहेकाले तत्काल जोखिम नघटेको मौसमविद्हरूको भनाइ छ।

शुक्रबार कोशी, मधेश, बागमती, गण्डकी र लुम्बिनी प्रदेशका धेरैजसो स्थानमा मेघगर्जन, चट्याङ र हावाहुरीसहित मध्यमदेखि भारी वर्षाको सम्भावना छ। यस्तै, कर्णाली र सुदूरपश्चिमका उच्च भूभागमा बाक्लो हिमपातको पूर्वानुमान गरिएको छ। त्रिभुवन विश्वविद्यालयका जल तथा मौसमविद् डा. विनोद पोखरेलका अनुसार शुक्रबार अपराह्नदेखि रातिसम्म कोशी र बागमतीका धेरै ठाउँमा अत्यधिक भारी वर्षाको जोखिम छ।

 

शनिबार वर्षा र हिमपातको क्रम जारी रहे पनि दिउँसोपछि यो प्रणाली पश्चिमबाट क्रमशः कमजोर बन्दै जानेछ।आइतबार र सोमबार मौसममा उल्लेख्य सुधार आउनेछ। पहाडी क्षेत्रमा हल्का बदली रहे पनि देशका अधिकांश स्थानमा घाम लाग्नेछ।कृषि क्षेत्रमा वर्षाले काटेको बालीमा ठूलो नोक्सानी पुर्‍याउन सक्ने भएकाले राष्ट्रिय विपद् जोखिम न्यूनीकरण तथा व्यवस्थापन प्राधिकरणले किसानहरूलाई कात्तिक १४ गतेसम्म धान नकाट्न र काटिसकेको धान तत्काल सुरक्षित स्थानमा थन्क्याउन आग्रह गरेको छ।

 

पर्यटन तथा पदयात्रा : हिमाली भेगमा हिमआँधी र हिमपहिरोको सम्भावना रहेकाले पर्वतारोहण र पदयात्रा तत्कालका लागि स्थगित गर्न भनिएको छ। यात्रामा निस्किसकेका पर्यटकलाई सुरक्षित आश्रयस्थलमै बस्न निर्देशन दिइएको छ।

यातायात र उडान : पहिरोको जोखिम रहेका राजमार्ग तथा हिमालीरपहाडी सडकमा यात्रा गर्नुअघि स्थानीय प्रशासन र ट्राफिक प्रहरीसँग समन्वय गर्न यातायात व्यवसायीलाई आग्रह गरिएको छ। खराब दृश्यताका कारण हवाई उडानहरू समेत प्रभावित हुन सक्ने चेतावनी दिइएको छ।

विपद् प्रतिकार्य कमाण्ड पोस्टले जोखिमयुक्त जिल्लाका विपद् व्यवस्थापन संयन्त्र, स्थानीय तह र सुरक्षाकर्मीलाई खोज, उद्धार तथा राहतका लागि चौबीसै घण्टा तयारी अवस्थामा रहन निर्देशन दिएको छ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा