इलाम, ४ असोज । गत असोज १८ र १९ गते आरी घोप्टे वर्षाका कारण इलाममा बिशाल पहिरो गयो । करिव ३७ जनाको एकै दिन पहिरोका कारण इलाममा मात्रै मृत्यू भयो । कयौ बाटो र पुल भत्क्यो । बग्यो । हजारौ नागरीक बाटोमै अलपत्र परे । परिवार गुमे । आफन्त छुटे । त्यो बेला इलाम भन्ने बित्तिकै सबैको मनममा डर र त्रास मात्रै देखिन्थ्यो । ओ हो इलाम जानु र भन्ने जस्तो भएको थियो । तर जोखिम सँधै उस्तै हुदैन । अनी इलामको सौन्दर्यताले कसैलाई इलाम नआई राख्न सक्छ र भन्ने प्रश्नको जवाफ भेटिन्छ यतीबेला इलाको कन्याय घुम्न आउनेहरुबाट ।
मेची राजमार्ग पहिरोको जोखिम हुने राजमार्ग हो । कहाँ कति बेला पहिरो जान्छ पत्तै हुन्न । त्यसैले यो बाटो आवात जावतमा प्रशाषनले कडाई गर्यो । त्यो बेला रातको समयमा सवारी चल्नै दिएन । ठाउँ ठाउँमा भत्केका कारणले गर्दापनि बाटो सहज थीएन । तर त्यस्तो असहजतालाई समेत छिचोल्दै सप्तरीबाट परिवार सहित कन्याम घुम्न आउनु भएका धनकुमार लामा भन्नु हुन्छ ‘अहिले सहजता हुदै गएको रहेछ हामी सजीलै आयौ । र कन्यामको आनन्द महसुस गर्यौ । ’
कन्याममा चियाबारीको रमाइलो सबै भन्दा बढि आकर्षणको केन्द्र हो । अनी यही बगानको माथी गएर वरीपरिका सबै दृृष्य देखिने डाडा जसलाई लभ डाडा पनि भनिन्छ त्यहाँ गएर तस्बिर खिच्नुको आनन्द पनि बेग्लै छ । यती मात्रै नभएर अहिले त यहाँ बिभिन्न जातीय पोषाक लगाएर तस्बिर खिच्ने, भिडियो बनाउनेको पनि होडवाजी नै छ । अझ घोडा सयरले कन्याममा पर्यटकहरुलाई थाम्न सकेको छ । पर्यटकहरु के गर्दा आनन्दीत हुन्छन् र धेरै बेर अडीन सक्छन त्यस खालका व्यवसाय वा क्षेत्रको विकास गर्न सक्नुनै यस क्षेत्रको पर्यटकीयलाई दिगो पर्नु रहेको बताउनु हुन्छ यहाँ जातीय पोषाकको व्यापार गरिरहनु भएकी पर्यटन व्यवसायी लीलामाया तामाङ ।
बाढि पहिरो र जेनजी आन्दोलनले गर्दा अहिले कन्याम घुम्न जाने पर्यटकहरुको संख्यामा कमी आएको छ । सुरक्षीत र वैकल्पीक बाटाहरुको निर्माण र यस ठाउँलाई अझ सौन्दय बनाउन सक्ने हो भने कन्याममा बाह्रै मास पर्यटक आउन सक्ने बताउनु हुन्छ अर्का व्यवसायी गगन तामाङ ।
कन्याम आफैमा सुन्दर छ । प्रकृतीले दिएको एउटा सुन्दर उपहारनै हो भन्दा पनि फरक पर्दैैन । तर अहिले सौन्दर्यताका नाममा यहाँको प्राकृतिक आनन्दमा कमी आइरहेको र फोहोर र प्रदुषण समेत बढ्न थालेको छ । यसको समाधान र व्वस्थापनमा स्थानीय सरकार सजग हुन जरुरी छ ।
