दमक, २० कार्तिक । जेन जी आन्दोलनका क्रममा दमकका मेयर राम कुमार थापाको घरमा आगजानी भएको थियो। भ्दौ २४ गते साँझ करिव ५ बजे आन्दोलनका नाममा अराजक समुहले लगाइदिएको आन्दोलनबाट उहाँको घर बस्नै नहुने गरी जलेको थियो ।
प्राविधिक टोलीले गरेको निरिक्षण र त्यसको रिपोर्टबाट समेत यो घर पूःन निर्माण समेत गर्न नहुने आएपछि यसलाई भत्काउने काम गरिएको नगर प्रमुख थापाले जानकारी दिनुभयो । बिहिबारबाट भत्काउन सुरु गरिएको यो घर आफुले निकै दुख र संघर्ष गरेर बनाएको बताउँदै थापाले भन्नुभयो मेरालागीपनि सत्रु लागेछन् । जेन नी आन्दोलनकका क्रममा मेरो घर समेत जलाउन आएर यो अवस्था बनाइदिएपछि मलाई निकै दुख लागेको छ । तर पनि म नयाँ स्थितीलाई स्विकार गरेर अघी बढ्ने छु । भत्काउँदै गरेको घरको अगाडी उभीएर उज्यालो खवरलाई प्रतिकृया दिदै उहाँले बताउनु भयो ।
अहिले भाडामा बसीरहनु भएका थापाको घर फेरी बनाउन अभियान चलाइएको छ । जलेको केहि दिनमानै एउटा समिती बनेर राम थापा घर पूःन निर्माण अभियान चलाइएको थियो । दमक नगरपालिका वार्ड नं ७ का वार्ड अध्यक्ष भीम पौडेलको संरक्षकत्वमा सञ्चालीत सो अभियानले सिद्धार्थ बैंक दमकमा बैंक खाता समेत खोलेर सहयोग आह्वान गरेको थियो । तर त्यसबेला मेयर थापाको अनुरोधमा अभियान केहि समय थाती राख्न र पहिले दमकको प्रहरी कार्यालय र नगरपालिकाको कार्यालय सञ्चालनमा प्राथमीकता दिन पर्ने भनेपछि स्थगीत गरिएको थियो ।
तर अहिले ती सबै संचना बनेर सेवा पनि सुचारु भएकोले घर बनाउने अभियान फेरी निरनत्र चलेको मेयर थापालेनै बताउनु भएको छ । अहिले घर भत्काउने काम भइरहेको र यही ठाउँमा नयाँ घर बनाउनकालागी अहिलेसम्म सुवेच्छुकहरुबाट ४ लाख रुपैँया जम्मा भएको पनि उहाँले जानकारी दिनुभयो । अभियान चलाउने साथीहरु निरन्तर लागी रहेको र आम दमक बासी तथा सुभ चिन्तकको सहयोगलेनै घर बनाउने उहाँले बताउनु भएको छ ।
मेयर थापाको घर त उहाँका सुवेच्छुकले बनाइदेलान । तर अझै दमक नगरपाकिलाका दुईवटा भवन बन्न बाँकी छ । कयौ सवारी साधन मर्मत गर्न बाँकीनै छ । प्रहरी प्रशाषन बस्ने घर बनेको छ तर संरचना पूर्ण भएको छैन । प्रहरीको मनोवल कमजोर छ । अपेक्षाकृत सुरक्षाको प्रत्याभूति हुन सकेको छैन । यसतर्फ कुन नागरीक र जनप्रतिधीले कसरी सोच्ने हो ? त्योभ ने गम्भिर बिषय बनेको छ ।
