दमक, २० कार्तिक । जेन जी आन्दोलनपछि आधिकारीक रुपमा बसेको दमक नगरपालिकाको कार्यपालिकाको बैठकले स्वेत पत्र निकाल्ने निर्णय गरेको छ । भदौ २३ र २४ गतेको जेन जी घटनाको समिक्षा र त्यसबाट नगर क्षेत्रमा भएको असर अनी जेन जी आन्दोलनले गरेका मागहरुको पालिका स्तरबाट समेत संवोधन गर्न सक्ने गरी स्वेत पत्र निकाल्न लागीएको दमक नगरपालिकाका प्रवक्ता तथा वार्ड नं ८ का वार्ड अध्यक्ष धर्मप्रसाद दाहाल दिपेशले जानकारी दिनुभयो ।
दुई दिन सम्म बसेको कार्यपालिकाको बैठकले चालु आर्थीक वर्षकालागी छुट्याइएको बजेटमा १० प्रतिशत घटाउँदै नयाँ परिमार्जीत कार्यक्रम समित स्वेत पत्र निकाल्न लागीएको प्रवक्ता दाहालले उज्यालो खवरलाई जानकारीदिनुभयो ।
उहाँले भन्नुभयो ‘संघीय सरकारले समेत कटौती गरेका योजना, टुक्रे योजना कटौती गरेपछि त्यसबाट परेको प्रभाव, वितरणमुखी र अनुदानका कार्यक्रम, तालीम, गोष्टि तथा सेमिनार जस्ता कार्यक्रमकालागी बिनियोजीत बजेट यो वर्ष कटौती गरिएको छ । यसबाट कटौती भएर बचेको बजेटले दमक नगरपालिकाको पूःन निर्माणमा खर्च गर्ने समेत कार्यपालिकाले निर्णय गरेको छ । ’
यस्तै दमक नगरपालिका, वार्ड कार्यालयहरुले हरेक वर्ष बिवप्पन्न लक्षीत कार्यक्रम अन्तर्गत निशुल्क स्वास्थ्य बिमा, विप्पन्नलाई खाद्यन्न वितरण जस्त कार्यक्रम समेत गर्दै आएको थियो । यी कार्यक्रम समेत यो वर्षकालागी कटौती गरिएको दाहालले बताउनु भयो । यसबाट यो वर्ष विप्पन्न वर्गलाई केहि अप्ठ्यारो पर्नेभएपनि आगामी वर्ष त्यसलाई परिपुर्ती गर्नेगरीको कार्यक्रम ल्याउने पनि उहाँले बताउनु भयो ।
जेन जी आन्दोलनका क्रममा दमक नगरपालिकाको मात्रै २३ करोड हाराहारीको नोक्सानी भएको छ । यहाँ रहेका दुई वटा मध्ये एउटा भवन पूर्णरुपमा नयाँ बनाउनु पर्ने र अर्कोपनि मर्मत गर्न निकै खर्च आउने प्राविधिक परिक्षणको रिपाृेर्टले जनाएको छ । यसैगरी नगरपालिका अहिले सवारी साधान बिहिन भएको छ । दर्जनौ दुई पाङग्रे र चार पाङग्रे गाडीहरु समेत जलेका छन् ।
सिङ्गो नगरकै निगरानी गर्न जडान गर्न ठिक्क पारिएका करिव २ करोड बढिका सिसि क्यामारा र त्यसको सिस्मट जलेका छन् । यस्तै अन्य सार्वजिनक सेवा प्रवाह गर्ने शाखा तथा अन्य दस्तावेजहरुमा समेत क्षती भएकोले यो पटक बजेटमा कटौती गरेर पूःन निर्माण गर्ने निर्णय गरिएको नगरपालिकाले जनाएको छ ।
