झापा,३ मंसिर । जेनजी आन्दोलनका क्रममा अस्थायी प्रहरी चौकी गरामनीमा तोडफोड र आगजनी गर्ने दुईजना पक्राउ परेका प्रहरीले जनाएको छ।
पक्राउ पर्नेहरुमा बिर्तामोड ८ गरामनी बस्ने वर्ष ३६ का गंगा राम लिम्बू र बिर्तामोड ७ मुसहरडाँडा बस्ने वर्ष १९ का सेशेहाङ इङ्नाम लिम्बू रहेको प्रहरीले जनाएको छ। हिजो मङगलबार बिहान अस्थायी प्रहरी चौकी गरामनीबाट प्रहरी सहायक निरीक्षक भुपेन्द्र कार्कीको कमाण्डमा खटिएको प्रहरी टोलीले दुवैलाई आ–आफ्नो घरबाट नियन्त्रणमा लिएको छ। दुवैलाई इलाका प्रहरी कार्यालय बिर्तामोडमा राखिएको छ ।
योसंगै भदौ २४ को जेनजी आन्दोलनका क्रममा झापाका प्रहरी कार्यालयहरुमा तोडफोड र आगजनी गरेको आरोपमा पक्राउ पर्नेहरुको संख्या १५ पुगेको प्रहरीले जनाएको छ ।
