बिर्तामोड,५ मंसिर । झापाको बिर्तामोडस्थित कृषिथोक बजारमा टमाटर लिएर आएको भारतीय ट्रक ८ दिनदेखि फर्किन सककोे छैन । व्यापारीबीचको लेनदेनले ट्रकको भन्सार पास खोसिएपछि ट्रक फर्किन नपाएको चालक योगेन्द्र सिंहले जानकारी दिनु भयो ।
अक्टोबर १४ तारिखमा बिर्तामोड आएको ट्रक फर्किन नपाएपछि चालकहरुले फर्किने वातावरण बनाइदिन आग्रह गरिरहेका छन्। कृषिथोक बजारमा आठ दिनदेखि बसिरहेको ट्रक तीन दिनका लागि यहाँ आएको हो। ट्रकले टमाटर लिएर आएको हो, चाकल सिंह भन्नु हुन्छ् – व्यापारीबीचको लेनदेनसँग हाम्रो कुनै सरोकार छैन । हामी भाडामा टमाटर लिएर आएका हौं, हामीलाई किन रोक्नु ? टमाटर निकालेर कागज खोस्ने काम भएको उहाँको भनाई छ । व्यापारीहरुको बीचमा भएको कारोवार बारे आफूहरुलाई थाहा समेत नभएको बताउनु भयो । चालक सिंहले कागज र भाडा दिन अनुरोध गर्नु भएको छ।
फर्किने कागज नै खोसिएपछि अब उप्रान्त नेपालमा सामान बोकेर आउन नसकिने चालकको गुनासो छ । उत्तर प्रदेशको ट्रकले छत्तिसगडबाट बिर्तामोडस्थित खगेन्द्र महतोको टमाटर लिएको आएको बुझिएको छ ।
यस बारे महतोले ट्रक आफ्नो कारण नरोकिएको स्पष्ट र्पानु भएको छ् । उहाँले आफूले मगाएको सामान सोही ट्रान्सपोर्टको अर्को गाडिले भारतमै बेचेपछि आफ्नो लगानी फिर्ता हुनुपर्ने माग राखेका छन् । उहाँले भन्नु भयो,मैले जोसँग सामान मगाउन पैसा पठाए, उसैले ट्रक पठाएपछि पैसा उठाउन समस्या हुने बताएको जानकारी दिनु भयो । ट्रक फर्किएमा मेरो पैसा फिर्ता ल्याउन कठिन हुने हुँदा ट्रक राखिएको हो । महतोका अनुसार काक्राका लागि भारु ३ लाख १८ हजार रुपैयाँ पठाइएको थियो । सबै हिसाव गर्दा २ लाख २७ हजार ९ सय ५९ रुपैयाँ फिर्ता पाउनुपर्छ ।
व्यापारीबीचको लेनदेनले रोकिएको ट्रकका कारण चालकसहित दुई जना कर्मचारीलाई दैनिक खर्च धान्न समस्या भइरहेको छ । उनीहरुले फर्किदा फाइन समेत बुझाउने पर्ने जानकारी दिएका छन् ।महतोले कारोबार गरेको व्यक्तिसँग सम्पर्क गर्दा फोन उठेको छैन्।
