दमक, ७ मंसिर । दमक जेसिसदारा मंसिर १ गतेदेखी सुरु गरिएको जेसिज सप्ताहको मंसिर ५ गते एक कार्यक्रमको आयोजना गरि समापन गरिएको छ । जेसिज सप्ताह चलिरहँदा दमक जेसिसले विभिन्न विद्यालय र स्थानमा विभिन्न सामाजिक कार्यहरु गरेको थियो । जस अन्तर्गत विभिन्न विषयमा सचेतना मूलक कार्यक्रम, तालिम , अभिमुखीकरण कार्यक्रमहरु समावेश रहेका थिए ।
जेसिज सप्ताह कार्यक्रमको समापन दमक ७ मा रहेको उद्योग वाणिज्य संघ दमकमा सम्पन्न भएको हो । सो अवसरमा बोल्दै दमकन नगरपालिकाकी उप प्रमुख रेगिना भट्टराई प्रसाईले जेसिसलाई समाज सँग जोड्न जेसिसले गरेको प्रयास सकरात्मक रहेको भन्दै प्रशषां गर्नु भयो । उहाँले भन्नु भयो ‘यूवा नेतृत्व र यूवाहरुहरुलाई सामाजीक काममा प्रेरणा जगाउने काममा जेसीजले महत्वपूर्ण योगदान गरीरहेको छ । जसको चर्चा देश देखी विदेश सम्म पनि हुने गरेको छ । ’
कार्यक्रममा बोल्दै जेसीजकी राष्ट्रिय अध्यक्ष तथा जेसीजकी अन्तराष्ट्रिय उपाध्यक्ष समेत रहनु भएकी रजनी थापा समापन कार्यक्रमको प्रमुख आकर्षक रहनु भएको थियो । उहाँको नेतृत्व र उहाँबाट प्राप्त हुने निर्देशन र अनुभव सुन्न दमकका यूवाहरु आतुर देखिनु भएको थियो । सो अवसरमा उहाँले भन्नुभयो ‘समाजमा भीज्न, आफ्नो व्यापार बुझ्न , नेतृत्व गर्न जेसीजले सिकाएको र आज जेसीजकै कारण कयौ यूवाहरु देशकै प्रमुख नेतृत्वतहमा पुग्नु भएकोले यसलाई निष्पक्ष रुपमा सहि सदुपयोग गर्न गर्नुपर्छ । ’
जेसिस सप्ताह २०२५को जेसिस सप्ताहमा भएका हरेक कार्यक्रमको बारेमा सुनाउँदै यसले दमकमा नयाँ छाप छोड्ने र समाज रुपान्तणमा एउटा महत्वपूर्ण योगदान बन्ने गरीका कामहरु गरिरहेको दमक जेसीजका अध्यक्ष सहदेव भट्टराईले समापन कार्यक्रमका क्रममा जानकारी गराउनु भयो ।
दमक जेसीजले यो वर्षको जेसीज सप्ताहामा पानीको फिल्टर वितरण गर्ने, जेन जी आन्दोलनको असर, प्रभाव र अवको दीशाका बारेमा अन्तकृया, मानसीक रोगको सचेतना, स्वास्थ्य शिविर, शैक्षीक सामाग्री वितरण, छात्रबृद्धि अस्पताल लगायत काम गरेको थियो ।
