दमक , ८ मंसिर । दमक ६ थानारोडमा कवाडी रेस्टुरेन्ट खुलेको छ । प्रयोग गरिसकेका सामानको पुन प्रयोग गरि नया डिजाइनमा तयार पारिएको कवाडी रेस्टुरेन्टको सोमबार औपचारिक कार्यक्रमको आयोजना गरि उद्घाटन गरिएको छ ।
दमक उद्योग बाणिज्य संघका अध्यक्ष गोपाल गुराईगाई सहित अन्य पदाधिकारी तथा सदस्यहरुको उपस्थितिमा कवाडी रेस्टुरेन्टको उद्घाटन गरिएको हो । ४ जना युवा उद्दमीहरुले मिलेर खोलेको यो रेस्टुरेन्ट स्थापना गर्न ७० लाख बढि लगानी भएको छ । खासगरेर यहाँ खाजाका सेटहरु अधिकतम आइटममा पाईने संचालक मध्येका एक सुवास बुढाथोकीले जानकारी दिनुभयो । उद्घघाटन पछि सुभकामना मन्तव्य राख्दै वाणिज्य संघका अध्यक्ष गुरागाईले नया सोचानुसार सुरु भएको कवाडी रेस्टुरेन्टको सफलताको सुभकामना व्यक्त गर्नुभएको थियो ।
इलाका प्रहरी कार्यालय देखि ठ्याक्कै अगाडी तथा मेची सहकारीको भवन तर्फबाट समेत प्रवेस गर्न सकिने खुल्ला र रमणीय ढंगबाट स्थापीत यो रेस्टुरेन्ट युवापुस्ताको नया रोजाईको गन्तब्य बन्न सक्ने विस्वास सन्चालकहरुको छ ।
