दमक, ८ मंसिर । हरेक वर्ष जस्तै यस वर्ष पनि नोभेम्बर २५ देखि डिसेम्बर १० सम्म लैङ्गिक हिंसाविरुद्ध १६ दिने अभियान मनाउने भइएको छ । महिला, बालबालिका तथा ज्येष्ठ नागरिक मन्त्रालयले साझा प्रतिबद्धता र ऐक्यबद्धता जनाउँदै सबै निकायलाई अभियान सञ्चालन गर्न भन्दै परिपत्र भएपछि दमक नगरपापलिकाले पनि यसको तयारी गरेको हो । केके छ त तयारी ?
दमक नगरपालिकाको ब्लक ए को भवन । यसको पहिलो तलामा रहेको बैठक कक्ष । बैठक कक्षमा सोमबार दिउँसो दमकका बिभिन्न क्षेत्रमा काम गरिरहेका महिला नेतृहरुको सहभागीता थियो । सबैमा एक प्रकारका जोश र जागर थियो । सरकारले लैङ्गिक हिंसाविरुद्ध १६ दिने अभियान चलाउन भनेर गरेको परिपत्रलाई कार्यान्वायन गर्न सबैजना प्रतिवद्ध देखिन्थे । १६ दिन भीत्र कुनै न कुनै कार्यक्रम गरेर यो अभियनलाई सम्पन्न गर्न सबैले प्रतिवद्धता पनि जनाएका थीए । अभियानअन्तर्गत यस वर्षको अन्तरराष्ट्रिय नारा ‘सबै महिला र बालिकामाथि हुने डिजिटल हिंसाको अन्त्य गर्न जुटौँ’ र राष्ट्रिय नारा ‘प्रविधिको सही प्रयोग गरौँः लैङ्गिक हिंसा अन्त्य गरौँ’ भनेर तय गरिएको छ । अभियानको मुख्य उद्देश्य लैङ्गिक हिंसाविरुद्ध जनचेतना फैलाउने र प्रविधिको सही प्रयोगमार्फत हिंसा रोक्ने रहेको छ । यही क्रममा इलाका प्रहरी कार्यालय दमकका प्रमुख डि एस पि किशोर लम्सालले अहिले सबैभन्दा बढि समस्या र मुद्धा समेत डिजीटल प्रविधीको दुरुपयोग र यसले पारेको असरमा केन्द्रित रहेर आउने गरेकोले यसका विरुद्धमा हुने जस्ता सुकै कार्यक्रममा आफुहरुले सहयोग गर्ने र न्यूनिककरण अभियानमा जोडीने प्रतिवद्धता व्यक्त गर्नुभयो ।
प्रविधि विकाससँगै हिंसाका नयाँ रूप भित्रिँदै गएको छ । जसले गर्दा स्थानीय सरकारले पनि यसका विरुद्धमा कार्यक्रमहरु गर्न आवश्यक रहेको छ । यही सन्दर्भमा यो वर्षको अभियान सञ्चालन हुने र सो अनुसारका कार्यक्रम सम्पन्न गर्न दमक नगरपालिकाको सामाजीक विकास समिती प्रमुख शारदा भट्टराई सापकोटाले अनुरोध गर्नु भएको छ ।
दमक नगरपालिकाकी उप प्रमुख रेगिना भट्टराई प्रसाईको सकृयतामा यो भेला भएको थियो । यसले दमकमा प्रविधिको दुरुपयोगले पारेको असर र त्यसको प्रयोगबाट भएको परिवर्तनका बारेमा थाह पाउने अवसर पाउने उहाँले बताउनु भयो । साथै अभियानलाई सफल बनाउन दमक नगरपालिकाले यहाँ रहेका सबै संघ सस्थाहरुलाई आवश्यक सहयोग र अभिभावकत्व ग्रहण गरी समन्वायत्मक काम गर्ने प्रतिवद्धता व्यक्त गर्नुभयो ।
लैङ्गिक हिंसा केवल सामाजिक होइन, डिजिटल दुनियाँसम्म फैलिसकेको खतरा हो। ‘सबै महिला र बालिकामाथि हुने डिजिटल हिंसाको अन्त्य गर्न जुटौँ’ भन्ने अन्तर्राष्ट्रिय प्रतिवद्धता र ‘प्रविधिको सही प्रयोग गरौँ, लैङ्गिक हिंसा अन्त्य गरौँ’ भन्ने राष्ट्रिय नारा तब मात्रै अर्थपूर्ण हुन्छ जब स्थानीय तहले जिम्मेवारीसहित काम गर्छ। दमक सुरक्षित बन्ला कि नबन्ला, त्यो नेतृत्व, नीति र कार्यान्वयनमा निर्भर छ।
