पथरी शनिश्चरे, १४ मंसिर / साहित्यकार दीपा दहालको पहिलो कृति कथा संग्रह विजयिनीको झापाको दमकमा गृह विमोचन भएको छ । कृतिको चर्चा गर्दै वक्ताहरुले सामाजिक विभेदबाट पिल्सिएका महिलाहरुको कथाले महिलामुक्तिको आव्हान गरेको बताएका छन् ।
कदम थिएटरको आयोजनामा सम्पन्न कार्यक्रममा किताबका कुरा शिर्षक कृति चर्चा कार्यक्रममा साहित्यकार सुन्दर कुरुप, प्राध्यापक राधिका ओझा र अध्येता मनिषा चौहानले त्यसखाले धारणा राख्नु भएको थियो । शक्तिशाली कविता लेख्ने दीपाका कथाहरु पनि उत्तिकै प्रभावकारी भएको चर्चा भयो । दीपाकी आमाले दियो बालेर गृह विमोचन कार्यक्रमको उद्घाटन गर्नुभएको थियो ।
कृतिमा ११ वटा कथा समेटिएका छन् । पुस्तकलाई सांग्रिला बुक्सले प्रकाशन गरेको हो ।
