दमक, १६ मंसिर | झापामा पछिल्लो नदि दोहन तथा तस्करी बढेको भनेर जनप्रतिनिधिहरुबाटै व्यापक गुनासो सार्वजनिक भएको थियो ।
केही समय अघि दमक नगरपालिकाका प्रमुख राम कुमार थापाले प्रमुख जिल्ला अधिकारी , जिल्ला प्रहरी कार्यालयका प्रमुख , अनुसन्धान कार्यालयका प्रमुख सहितको उपस्तिथिमा अनियन्त्रित रुपमा नदिमा चोरी पैठारी बढेको गुनासो राख्नु भएको थियो ।
पालिका स्तरबाट पटक पटक पहल र प्रयास गर्दा समेत यो कामको नियन्त्रण हुन नसकेको भन्दै सार्बजनिक रुपमै बताएपछि जिल्लाको संयन्त्र यसमा सकृय भएको छ ।
यहि क्रममा मंगलबार जिल्ला समन्वय समिति झापाको कार्यालयमा समितिका प्रमुख विस्वनाथ बरालको अध्यक्षता बैठक बसि महत्त्वपूर्ण निर्णय भएको छ ।
प्रमुख जिल्ला अधिकारी शिवराम गेलाल , जिल्ला प्रहरी कार्यालय झापाका प्रमुख प्रहरी उपरीक्षक राजन लिम्बू, खोला प्रभावित क्षेत्रका ६ वटा पालिका प्रमुख तथा उप-प्रमुख र प्रमुख प्रषासकिय अधिकृतहरुको संयुक्त छलफलबाट निर्णय गरिएको हो ।
जिल्ला समन्वय समिती प्रमुख विस्वनाथ बरालले दिनुभएको जानकारी अनुसार चोरी निकासी रोक्न प्रहरी , प्रषासनको समन्वयमा कडा निगरानी गर्ने, दर्ता नभएका क्रसहरुलाई पहिलोपटक चेतावनी दिने र अर्को पटक बन्द गराउने, राजमार्ग , वन, वस्ती र पुलबाट ५ सय मिटर वरपर नदि उत्खनन गर्न नपाईने जस्ता महत्त्वपूर्ण निर्णय भएका छन ।
यस्तै घाडगद्दीको माल सामान सम्बन्धित निकायबाट स्टक प्रमाणीत गरि त्यहाक्क ठाउँ खाली गराउने समेत निर्णय गरिएको छ ।
छलफलमा झापका दमक , शिवसताशी , कन्काई, अर्जुनधारा, मेचिनगर नगरपालिका र बुद्द्द्शान्ती गाउपालिकाका जनप्रतिनिधि र प्रमुख प्रषासकिय अधिकृतहरु समेतको सहभागिता रहेको थियो ।
