पथरी शनिश्चरे २९ मंसिर / मोरङको पथरी शनिश्चरेकी विनिता कार्की मुख्य भूमिकामा अभिनित चलचित्र ‘पीआर’ देशभरका विभिन्न हलहरूमा प्रदर्शनमा आएको छ ।
केहीदिनअघि राजधानीमा आयोजना गरिएको भव्य प्रिमियर शो मा नेपाली चलचित्र क्षेत्रका पुराना तथा नयाँ पुस्ताका कलाकारहरूको उल्लेखनीय उपस्थिति रहेको थियो, जहाँ विनिताको अभिनयको प्रशंसा गरिएको थियो ।
प्रिमियरमा उपस्थित अभिनेत्री रेखा थापा, कलाकार दिपाश्री निरौला, गौरी मल्ल, रेजिना उप्रेती, निर्देशक तथा चलचित्र विकास बोर्डका अध्यक्ष दिनेश डिसी, साथै गायक टंक बुढाथोकीलगायतका कलाकर्मीहरुले विनिताले चलचित्रमा प्रस्तुत गरेको भावनात्मक अभिनयका लागि प्रशंसा गरेका थिए । चलचित्रमा विनिताका साथै नयाँ र पुराना कलाकारको प्रभावशाली उपस्थिति र उनीहरूबीचको प्राकृतिक केमेस्ट्री दर्शकलाई मन परिरहेको प्रारम्भिक प्रतिक्रिया आएको छ ।
फिल्म सार्वजनिक भएको पहिलो दिनमै हलहरूमा दर्शकको उपस्थिति उत्साहजनक देखिएको छ । चलचित्रलाई शोभित बस्नेतले निर्देशन गर्नुभएको छ । विदेशमा नेपालीहरुले ‘पीआर’ पाएको अर्थात स्थायी बसोबासको अनुमति पाएको विषयका समस्यासहितलाई चलचित्रमा प्रस्तुत गरिएको छ । विनिता स्थानीय केबी मेमोरियल बोर्डिङ अध्ययनपछि उच्चशिक्षाका क्रममा विदेशमा रहँदै आउनु भएको छ ।
