काठमाडौं,२पुस। नेपाल कम्युनिष्ट पार्टी (एमाले) को ११ औं राष्ट्रिय महाधिवेशनबाट नयाँ नेतृत्व छनोटका लागि मतदान भइरहेको स्रोतले जनाएको छ । काठमाडौंको भृकुटीमण्डपमा एमाले नेतृत्व चयनका लागि विद्युतीय भोटिङ मेसिनमा मतदान भइरहेको छ।
एमालेको १९ पदाधिकारीसहित ३०१ सदस्यीय, केन्द्रीय कमिटीका लागि ६४२ उम्मेदवार प्रतिस्पर्धामा छन् भने २२६३ प्रतिनिधिहरु रहेका छन् । बिहान साढे ९ बजेदेखि मतदान सुरू भएको हो। साढे १२ बजेसम्म निर्वाचन आयोगका अनुसार हालसम्म ४०० मत खसेको छ। पार्टीको अध्यक्षमा केपी शर्मा ओली र ईश्वर पोखरेलबीच प्रतिस्पर्धा भइरहेको स्रोतले जनाएको छ। महासचिवमा शंकर पोखरेल र सुरेन्द्र पाण्डेबीच प्रतिष्पर्धा छ।
एमालेको ११ औं महाधिवेशनमा १२ जना निर्विरोध निर्वाचित भएका छन्। नयाँ नेतृत्व छनोटका लागि मतदान जारी रहँदा उम्मेदवारका समर्थकहरुले प्रचारप्रसार गरिरहेको जनाएका छन् । शीर्ष नेताहरु कार्यकर्तासँग मत माग्नुका साथै भलाकुसारी गरिरहेका छन्। मतदान चलिरहँदा गायिका ज्योति मगर पनि महाधिवेशनस्थलमा पुगिरहेनु भएको छ। आज राति १० बजेभित्रै मतदान सक्ने लक्ष्य एमालेको रहेको छ।
