दमक,३ पुस । दमक ९ स्थित सरस्वती मावि इटाभट्टामा बिहिबारबाट ‘स्पोर्टस विक’ सुरु भएको छ । विद्यालयले आफ्नो वार्षिक कार्यक्रम अन्तर्गत विद्यार्थीका प्रतिभालाई प्रस्फूटन गर्ने उद्धेश्यले यस खालको कार्यक्रम गर्ने गरेको प्रधानाध्यापक सिताराम ढकालले जानकारी दिनुभयो ।
विद्यार्थीहरुलाई अतिरिक्त कृयाकलापमा समेत सहभागी गराएर बिभिन्न ठाउँमा गएर प्रतिस्पर्धा गर्न सकुन भन्न पनि यसखालको कार्यक्रम आयोजना गरीएको जनाइएको छ । प्रधानाध्यापक ढकालका अनुसार आगामी ८ गते सम्म बिभिन्न विधाका प्रतियोगीता हुने र ९ गते बिजेताहरुलाई पुरस्कार समेत वितरण गर्ने गरी तयारी गरीएको छ ।
कक्षा , वर्ग र छात्र छात्रा समेतका बेग्ला बेग्लै समुह बनाएर प्रतिस्पर्धा गराइने विद्यालयका खेलकुद संयोजक शिक्षक हिकमत खड्काले जानकारी दिनुभयो । विद्यार्थीबाटै माग भइ आएका खेलहरु खेलाइने र यसबाट उनीहरुभीत्रको खेल प्रतिको रुचीलाई थप प्रोत्साहन गर्न सक्ने विद्यालयको विस्वास रहेको समेत उहाँले जनाउनु भयो ।
