दमक, ११ साउन | इलामको माङ्सेबुङ गाउँपालिका–४ स्थित ग्रामीण क्षेत्रको जनता आधारभूत विद्यालयका जेहेन्दार तथा आवश्यकतामा रहेका विद्यार्थीलाई शैक्षिक सामग्री प्रदान गरिएको छ।
आफ्नो ४४औँ जन्मदिनको अवसर पारेर गणेश गौतमले विद्यालयका विद्यार्थीलाई १२ दर्जन कापी तथा आवश्यक विद्यार्थीलाई पेन्सिललगायतका शैक्षिक सामग्री प्रदान गर्नुभएको हो।
विद्यालयमा हाल ३५ जना विद्यार्थी अध्ययनरत छन्।
मानवीय सेवा गर्नुपर्छ भन्ने सोचका आधारमा विद्यार्थीलाई सहयोग गरेको गौतमले बताउनुभएको छ।
पेसाले ट्याक्सी चालक रहनुभएका गौतम जीवन चक्र समाजका संस्थापक अध्यक्षसमेत हुनुहुन्छ।
