दमक, ६ पुस । दमक उद्योग वाणिज्य संघको आगामी निर्वाचनका लागि विस्तृत कार्यतालिका सार्वजनिक गरिएको छ।
संघको कार्यसमितिको नया नेतृत्व चयनकालागी आगामी पौष १८ गते शुक्रबारकालागी मतदानको मिति तोकिएको छ ।
निर्वाचन समितिका अनुसार निर्वाचन प्रक्रिया अन्तर्गत पौष ७ गते सोमबार बिहान साढे १० बजे मतदाता नामावली प्रकाशन गरिने छ।
यसको भोलिपल्ट अर्थतन्त्र ८ गते बिहान साढे १० बजे देखी दिउँसोसा साढे २ बजेसम्म नामावलीमाथि दाबी विरोध दर्ता गर्न सकिने व्यवस्था गरिएको छ। र सोही दिन अन्तिम मतदाता नामावली प्रकाशन हुनेछ।
यस्तै पौष ११ गते बिहान साढे १० बजे देखि दिउसो साढे २ बजे सम्म उम्मेदवारको मनोनयन दर्ता गरिने छ भने सोही दिन अपरान्ह ४ बजे उम्मेदवारको नामावली प्रकाशन गरिने छ ।
यसको भोलिपल्ट अर्थात १२ गते शनिबार बिहान साढे १० बजे देखि दिउसो साढे २ बजे सम्म उम्मेदवार उपर दावी बिरोध पेश गर्न सकिने र सोही दिन दिउँसो साढे ३ बजे उम्मेदवारहरुको नामावली प्रकासन गरिने निर्वाचन समिती संयोजक लिला प्रसाद गुरागाईले जानकारी गराउनु भयो ।
यस्तै उम्मेदवारहरुले गरेको मनोनयन फिर्ता गर्ने पनि समय छुट्याइएको छ । यसकालागी पुस १३ गते आइतबार बिहाआ १०:३० देखि अपरान्ह ४ बजेसम्मकालागी समय निर्धारण गरिएको छ भने सोही दिन अपरान्ह साढे ४ बजे उम्मेदवारको अन्तिम नामावली प्रकाशन गरिने मिति तय गरिएको जनाईएको छ । र १८ गते बिहान ८ बजे देखी दिउँसो ३ बजेसम्म निर्वाचनको समय तोकिएको छ ।
निर्वाचनको मतदान बाहेकका सबै कार्यक्रम उद्योग वाणिज्य संघकै कार्यालयमा हुने जनाईएको छ भने मतदानकालागी मतदान स्थलको खोजी कार्य भईरहेको संयोजक गुरागाईले जानकारी दिनुभयो ।
