दमक, ८ पुस । २०४५ साल असोज २२ गते, साविक बैगुन्धुरा–८ झापामा जन्मिएका रमेश लुइँटेल। बुबा छविलाल लुइँटेल र आमा टेकमाया लुइँटेलको संस्कार, अनुशासन र श्रमको पाठसँगै हुर्कनुभयो । उहाँ आज दमक–८ मा स्थायी बसोबास गर्दै व्यवसायको उचाइ चढिरहनु भएको छ ।
२०६३ साल । दमकमा आइटी र इलेक्ट्रोनिक सामानको बिक्रीबाट उहाँको व्यवसायीक यात्रा सुरु भएको थियो । त्यसबेलाको सुरुवात सानो थियो । तर उहाँको सपना निकै परको थियो । नेसनल कम्प्युटरबाट सुरु भएको यो यात्राले समयसँगै अहिले आकार बदलेको छ । आज आरम्भ कम्प्युटर प्रा.लि. र नेसनल इलेक्ट्रोनिक दुईवटा व्यवसाय दमकमै सञ्चालन गरीरहनु भएको छ । गुणस्तर, विश्वास र निरन्तरताको परिचय उहाँले स्थापीत गराउनु भएको छ ।
दमकको व्यापार सजिलो छैन। अनगिन्ति चुनौतीहरू छन्। उतार–चढाव छन्। तर रमेश लुइँटेलले ती सबै चुनौतीलाई अवसरमा बदल्दै जानुभयो । हरेक दिन नया सम्भावना खोजीरहनु भयो । व्यापारीसँगै उभिरहनु भयो । आशाको किरण छरीरहनुभयो ।
दुई दशकको व्यवसायिक अनुभव केवल नाफाको कथा मात्रै होइन। यो भरोसाको कथा हो। यो सहकार्यको कथा हो। र, यो नेतृत्वको तयारीको पनि कथा हो। पुस १८ गते हुने दमक उद्योग वाणिज्य संघको निर्वाचनमा द्वितीय उपाध्यक्ष पदका उम्मेदवार— रमेश लुइँटेल। बन्नु हुने छ । त्यसैले अब लक्ष्य स्पष्ट छ। नयाँ व्यवसायीलाई प्रेरणा दिने। पुराना व्यवसायीका अनुभव र समस्या सुन्ने। उद्योग र व्यापारलाई सशक्त खम्बा दिने। दमकमै नयाँ व्यापार र उद्यमबारे देखेको सम्भावना सबैलाई बाड्ने ।
दमकको व्यापार, दमककै भविष्य। अनुभव, इमानदारी र निरन्तरताको नाम
रमेश लुइँटेल। दमकसँगै अघि बढ्ने एक भरोसायोग्य नेतृत्व । त्यसैले भन्न सकिन्छ ।
“अव अनुभव बोल्छ। अनी नेतृत्व बनाउँछ।”
